28 студзеня ў Доме культуры ў Сапоцкіне адбудзецца XVII дэканальны прагляд калядак і пастаралак. У гэтым годзе ён пройдзе пад дэвізам “Зорка, свяці, калядка, ляці, містэрыя няхай здзяйсняецца...”.
Пачатак у 14.00.
Да ўдзелу запрашаюцца суполкі, хоры, салісты. Выступіць можа любы жадаючы, хто праз спеў калядак і пастаралак хоча дзяліцца радасцю з нараджэння Пана. Узрост не абмежаваны.
Аб сваім жаданні неабходна праінфармаваць да 14 студзеня пробашча парафіі ў Сапоцкіне кс. Антонія Абухоўскага па тэлефоне: (8 029) 888-18-29 або (8 0152) 99-21-30.
Падчас паведамлення аб удзеле належыць назваць:
- iмя і прозвішча выканаўцы або назву супольнасці, групы
- колькасць спяваючых
- назвы калядак
Удзельнікі спяваюць тры калядкі і толькі па тры куплеты.
Святочны канцэрт па традыцыі арганізоўваецца сапоцкінскай парафіяй Унебаўзяцця Найсвяцейшай Панны Марыі i св. Язафата Кунцэвіча.
JM
