З 5 па 7 студзеня 2018 г., падчас зімовых канікул, у будынку Вышэйшай духоўнай семінарыі ў Гродне адбудуцца рэкалекцыі па распазнанні паклікання. Тэма рэкалекцый – “Не бойцеся! Абвяшчаю вам вялікую радасць... нарадзіўся вам сёння ў горадзе Давіда Збаўца” (Лк 2, 10-11).
Юнакі, а асабліва міністранты, ад 14 гадоў запрашаюцца на перажыванне хвілін цішыні, а таксама цікавае разважанне над сваім жыццёвым шляхам, каб яшчэ раз запытаць сябе ў сэрцы: “Да чаго мяне кліча Бог?”
Удзельнікі рэкалекцый змогуць адчуць атмасферу семінарыйнага жыцця, паразмаўляць з семінарыстамі і духоўнымі айцамі, а таксама ўзбагаціць свае веды адносна праўдаў веры і малітвы.
Аб удзеле неабходна паведаміць да 29 снежня. Колькасць удзельнікаў абмежаваная.
Просьба мець з сабой комжу.
Прыезд 5 студзеня ў 17.30.
Адказныя за рэкалекцыі: кс. Валерый Быкоўскі (тэл. +375 29 695 24 69), кс. Андрэй Лішко (тэл. +375 29 744 99 61).
Запісацца можна па тэлефоне семінарыі: 8 015 277 02 34.
JM
