8 снежня, ва ўрачыстасць Беззаганнага Зачацця Найсвяцейшай Панны Марыі, біскуп Гродзенскі Аляксандр Кашкевіч удзеліць дыяканскае пасвячэнне тром навучэнцам Вышэйшай духоўнай семінарыі ў Гродне.
Дыяканскае пасвячэнне ў катэдральным касцёле св. Францішка Ксаверыя атрымаюць Андрэй Каўшук, Эрнэст Мікалайчык і Раман Вайцяховіч.
Святая Імша пачнецца ў 12.00.
Aндрэй Каўшук нарадзіўся 16 лютага 1986 г., паходзіць з парафіі Найсвяцейшай Тройцы і св. Францішка Асізскага ў Свіслачы.
Эрнэст Мікалайчык нарадзіўся 1 лютага 1994 г., паходзіць з парафіі Узвышэння Святога Крыжа (Фара) у Лідзе.
Раман Вайцяховіч нарадзіўся 30 студзеня 1994 г., паходзіць з парафіі Божай Міласэрнасці ў Гродне (Вішнявец).
Перад пасвячэннем будучыя дыяканы прымуць удзел у рэкалекцыях, каб адпаведна падрыхтавацца да гэтай падзеі. Заахвочваем усіх падтрымаць іх сваімі малітвамі.
Кс. Юрый Марціновіч
