21 студзеня ў гродзенскім катэдральным касцёле св. Францішка Ксаверыя адбудзецца набажэнства і малітва аб адзінстве хрысціян. Да ўдзелу запрашаюцца святары, кансэкраваныя асобы і ўсе вернікі Гродна.
Пачатак у 18.00.
“Удзел у гэтым набажэнстве разам з прадстаўнікамі іншых хрысціянскіх канфесій нашага горада будзе знакам адзінства з усім Каталіцкім Касцёлам, які з 18 студзеня будзе перажываць Тыдзень малітваў аб адзінстве хрысціян, - адзначае ў сваім запрашэнні біскуп Гродзенскі Аляксандр Кашкевіч. - Запрашаю вас да сумеснай малітвы аб еднасці хрысціян у гродзенскім катэдральным касцёле і ў сваіх парафіях, таму што да гэтага заклікае нас любоў Хрыста”.
Галоўнай тэмай Тыдня малітваў аб адзінстве хрысціян у гэтым годзе будуць словы, узятыя з Другога паслання св. апостала Паўла да Карынцянаў: “Прымірэнне - любоў Хрыста прыспешвае нас” (пар. 2 Кар. 5, 14-20).
