11 снежня ў касцёле Найсвяцейшага Адкупіцеля ў Гродне (Дзевятоўка) адбудзецца дабрачынны калядны кірмаш “Карытас 2016”. Да ўдзелу ў кірмашы запрашаюцца валанцёры і проста неабыякавыя гродзенцы.
Жадаючыя паўдзельнічаць у кірмашы могуць зрабіць дома паштоўкі, вязаныя, валеныя і сшытыя цацкі, календары, мыла і свечкі, аўтарскую біжутэрыю, печыва і іншыя hand-made вырабы і перадаць іх для рэалізацыі на кірмашы.
Перадаць вырабы можна 6, 7 і 8 снежня з 9.00 да 12.00 у сацыяльны пункт “Карытас”: г. Гродна, вул. Дзяржынскага, 91.
Печыва можна перадаць напярэдадні акцыі (час узгаднім па тэлефоне).
Тэл. +375 (0152) 76-70-09, таксама ўзгадніць час, зручны канкрэтна для вас, можна па тэлефоне 8 (029) 881-82-34.
