15 верасня ў 19.15 гадзін у гродзенскім пабрыгіцкім касцёле адбудзецца сустрэча для ўдзельнікаў Сусветных дзён моладзі 2016 у Кракаве. Сустрэча распачнецца св. Імшой, пасля якой будзе магчымасць падзяліцца ўражаннямі і ўспамінамі з мінулых СДМ.
Тыя, хто маюць фота і відэа з Кракаўскіх дзён моладзі, просьба зрабіць невялікую прэзентацыю і пракаментаваць яе падчас спаткання.
На сустрэчу запрашаецца таксама кожны ахвотны акунуцца ў атмасферу СДМ і пачаць падрыхтоўку да наступнага моладзевага з'езду ў Панаме.
