З 12 па 14 ліпеня ў санктуарыі Гродзенскай дыяцэзіі Каралевы нашых сем’яў у Тракелях (Радунскі дэканат) пройдуць адпустовыя ўрачыстасці дыяцэзіяльнага характару.
У межах урачыстасцяў, дэвіз якіх “Марыя – наша Каралева”, будзе святкавацца юбілей 15-годдзя з часу каранавання цудадзейнага тракельскага абраза. 5 ліпеня 2009 года кардынал Казімір Свёнтэк усклаў на абраз папскія кароны.
Да ўдзелу ва ўрачыстасцях, асабліва 12-13 ліпеня, запрашае біскуп Гродзенскі Аляксандр Кашкевіч. Іерарх заклікае ўзяць у іх удзел цэлымі сем’ямі, “прыбыць да нашай найлепшай Маці, каб даручыць Ёй свой сённяшні і заўтрашні дзень і каб прасіць аб міры, жаданым для нашых сем’яў і ўсяго свету”.
Праграма ўрачыстасцяў
12 ліпеня, пятніца
13.00 – святая Імша
15.00 – Вяночак да Божай Міласэрнасці
15.15 – праца творчых пляцовак у Марыйным садзе
17.30 – прывітанне пілігрымаў
18.00 – святая Імша для пілігрымаў
20.00 – Ружанец (Радасная частка)
21.00 – адарацыя Найсвяцейшага Сакрамэнту
21.40 – канферэнцыя “Марыя – наша Каралева”
22.30 – Марыйны заклік
23.30 – урачыстая працэсія са свечкамі; святая Імша (Пастэрка)
13 ліпеня, субота
7.00 – Гадзінкі да Маці Божай, спеў у гонар Маці Божай
7.30 – Ружанец (частка Святла)
8.00 – святая Імша з удзелам святароў-юбіляраў і законных сясцёр
10.00 – аднаўленне сужэнскіх абяцанняў
10.45 – падрыхтоўка да святой Імшы
11.00 – урачыстая святая Імша
17.00 – адарацыя Найсвяцейшага Сакрамэнту “Марыя, адары мяне дарам мацярынства”
19.00 – святая Імша
14 ліпеня, нядзеля
9.00 – Ружанец (Балесная частка)
10.00 – святая Імша “за добрага мужа ці жонку”
11.00 – канцэрт
12.00 – Ружанец (Хвалебная частка)
13.00 – святая Імша падзякі за ласкі гэтых урачыстасцяў; благаслаўленне
