Сёлета адзначаецца 330-я гадавіна з таго часу, як абраз Маці Божай Суцяшальніцы Засмучаных, які знаходзіцца ў дыяцэзіяльным санктуарыі ў Барунах (Ашмянскі дэканат), быў прызнаны цудадзейным.
Шмат людзей са збалелымі сэрцамі звяртаюцца да Маці Божай Барунскай і атрымоўваюць суцяшэнне і паратунак.
Урачыстасці ў гонар Маці Божай Барунскай, якая ў тытуле Суцяшальніцы Засмучаных шанавалася здаўна, пройдуць у санктуарыі 13-14 кастрычніка.
Праграма:
13 кастрычніка, пятніца
20.00 – адарацыя перад абразом Маці Божай
21.00 – апэль да Маці Божай і працэсія са свечкамі
22.00 – святая Імша
14 кастрычніка, субота
9.00 – святая Імша перад абразом Маці Божай
10.00 – адарацыя Найсвяцейшага Сакрамэнту
11.00 – Ружанец
12.00 – святая Імша (узначаліць біскуп Гродзенскі Аляксандр Кашкевіч)
Біскуп Аляксандр Кашкевіч запрашае ўсіх вернікаў дыяцэзіі да ўдзелу ў юбілейных урачыстасцях. “Будзем сумесна прасіць аб заступніцтве Маці Божай, няхай Яна прытуляе да сябе ўсіх засмучаных, каб суцешыць і прывесці ўсіх да Хрыста, Крыніцы сапраўднай радасці”, – адзначыў біскуп у паведамленні, адрасаваным вернікам Гродзеншчыны.
