У суботу 7 кастрычніка ў касцёле Маці Божай Тройчы Дзівоснай у Мастах пройдуць аднадзённыя рэкалекцыі, прысвечаныя тэме дзесяці Божых запаведзяў.
“Хто не зразумее сэрцам дзесяці Божых запаведзяў, той не зможа прыняць ні Хрыста, ні Яго навукі. Хто не навучыцца плаваць на мелкаводдзі, той не зможа плаваць на глыбіні. Хто не навучыцца хадзіць, той не зможа пабегчы, бо ўпадзе і разаб’ецца. Хто перш не навучыцца лічыць да дзесяці, той не зможа палічыць да тысячы. І хто перш не навучыцца чытаць па складах, ніколі не зможа бегла чытаць. І хто перш не закладзе фундамент дома, дарма будзе намагацца ўзвесці дах”, – гэтыя думкі нагадваюць арганізатары рэкалекцый, запрашаючы на сустрэчу ўсіх зацікаўленых.
Праграма:
11.00 – канферэнцыя І
12.30 – канферэнцыя ІІ
13.30 – абед
15.00 – канферэнцыя ІІІ
17.00 – святая Імша
Запіс па тэлефоне (Viber):
+375 29 586 39 16 кс. Віктар
