23 ліпеня Касцёл у трэці раз адзначыць Сусветны дзень дзядуль, бабуль і пажылых людзей. З гэтай нагоды ўсе ахвотныя вернікі Гродзенскай дыяцэзіі запрашаюцца ў дыяцэзіяльны санктуарый Каралевы нашых сем’яў у Тракелях (Радунскі дэканат).
У санктуарыі яны змогуць папрасіць перад абліччам Маці Божай Каралевы сем’яў аб Божым благаслаўленні і святасці для сваіх дзядуль і бабуль, а для памерлых – аб вечным жыцці ў небе. Яны атрымаюць магчымасць падзякаваць Богу за дзядуль і бабуль – гэты цудоўны дар, а таксама памаліцца аб адзінстве сем’яў.
Праграма свята:
12.00 – адарацыя Найсвяцейшага Сакрамэнту
13.00 – святая Імша ў інтэнцыі ўсіх дзядуль і бабуль Гродзенскай дыяцэзіі – жывых і памерлых
14.30 – сустрэча пры каве
15.00 – Крыжовы шлях, пасля – благаслаўленне
“Маці Божая Тракельская чакае вас!” – адзначае кусташ тракельскага санктуарыя кс. канонік Юрый Бяганскі, запрашаючы на свята.
Тэлефон для атрымання дадатковай інфармацыі і запісу:
+375 29 289 36 38 ксёндз Юрый Бяганскі
