У першую нядзелю мая ў Гродзенскай дыяцэзіі адзначаецца Дзень маці. З гэтай нагоды 7 мая ўсе жадаючыя запрашаюцца ў дыяцэзіяльны санктуарый у Тракелях.
У гэты дзень у санктуарыі перад абліччам Маці Божай Каралевы нашых сем’яў кожны зможа памаліцца аб Божым благаслаўленні і святасці для сваёй маці і ўсіх маці дыяцэзіі, а для памерлых – аб вечным жыцці ў небе, падзякаваць Богу за дар мацярынства, а таксама памаліцца аб адзінстве і еднасці сем’яў.
Дэвіз сустрэчы – “Марыя, аб’яднай нашы сэрцы і сем’і”.
Праграма:
11.30 – адарацыя Найсвяцейшага Сакрамэнту
13.00 – святая Імша ў інтэнцыі ўсіх матуль Гродзенскай дыяцэзіі, за жывых і памерлых, якую будзе цэлебраваць біскуп Гродзенскі Аляксандр Кашкевіч
14.30 – сустрэча пры каве “Штодзённыя клопаты матуль” (Дом пілігрыма)
15.00 – Крыжовы шлях “Тая, што пад Крыжам стаяла…”. Заканчэнне сустрэчы, благаслаўленне, ад’езд.
Тэлефон для атрымання дадатковай інфармацыі і запісу:
+375 29 289 36 38
