Усе ахвотныя запрашаюцца прыняць удзел у дабрачынным кірмашы “Любоў без межаў” у гонар Маці Божай Тракельскай, які пройдзе з 2 па 9 ліпеня ў дыяцэзіяльным санктуарыі Каралевы нашых сем’яў у Тракелях.
Арганізатары кірмашу чакаюць майстроў і ўмельцаў, якія маюць талент і хочуць зрабіць свой унёсак у гэтую добрую справу.
Для ўдзелу ў кірмашы трэба прадставіць уласнаручна зробленыя рэчы (сувеніры, цацкі, вырабы з гліны, дрэва і іншых матэрыялаў).
Работы павінны быць выкананы з высокаякасных матэрыялаў, у актуальных і разнастайных тэхніках.
Перадаць свае вырабы можна наступнымі спосабамі:
- прывезці ў касцёл;
- адправіць поштай на адрас: 231372, Гродзенская вобл., Воранаўскі раён, аг. Тракелі, вул. Лідская 61А, кс. Юрый Бяганскі
На вырабах пазначыць аўтарства і кантакты.
Усе вырабы можна будзе набыць за добраахвотнае ахвяраванне адвольнага памеру. Таксама можна будзе прыняць удзел у дабрачыннай латарэі.
Сродкі, атрыманыя з дапамогай дабрачыннага кірмашу, будуць накіраваны на новыя праекты санктуарыя.
“Будзем вельмі ўдзячныя ўсім, хто прыме ўдзел у гэтай маленькай “акцыі дабра”, бо сапраўды любоў да Маці Божай Тракельскай не ведае межаў”, – дадаюць арганізатары.
