13 жніўня ў 18 гадзін адбудзецца ўрачыстае ўнясенне ў касцёл у Любчы, які належыць да навагрудскай парафіі св. Міхала Арханёла, рэліквій святой Марыі ад Езуса Укрыжаванага (Марыям Баўардзі, “маленькай арабкі”).
Рэліківіі былі прывезеныя з Ізраіля з кляштара сясцёр кармэлітак у Бэтлееме.
Урачыстасць пачнецца сустрэчай рэліквій на ўездзе ў пасёлак Любча. Затым адбудзецца працэсія з рэліквіямі ў касцёл, дзе будзе цэлебравацца Эўхарыстычная Ахвяра Езуса Хрыста і будзе магчымасць ушанаваць рэліквіі гэтай вялікай святой.
Касцёл у Любчы мае тытул Найсвяцейшага Сэрца Пана Езуса і св. Марыі ад Езуса Укрыжаванага.
