24-26 чэрвеня ў Навагрудку адбудуцца экспіяцыйныя (пакутныя) рэкалекцыі за Беларусь, на якія запрашаюцца вернікі, святары і манаскія асобы.
“У гэты неспакойны для ўсяго свету час Маці Божая з Фацімы заклікае чыніць пакуту, кампенсацыю і ўзнагароджванне Богу за грахі свае, нашага народу і ўсяго свету, – адзначаюць арганізатары рэкалекцый. – Багародзіца папрасіла дзяцей перадаць чалавецтву Яе вялікую заклапочанасць з-за бязбожнасці і дэмаралізацыі людзей, дадаючы, што калі яны не навернуцца, іх чакае вялікая кара. Свет заблукаў, адыходзячы ад Бога і маральных законаў. Марыя просіць чалавецтва аб навяртанні і пакуце, каб пазбегнуць кар, якія Бог падрыхтаваў для грэшнага чалавецтва. У візіі трэцяй фацімскай таямніцы з’явіўся анёл, які трымаў у сваіх руках вогненны меч. Ён паказваў правай рукой на зямлю і тройчы прамовіў моцным голасам: пакута, пакута, пакута!
У сваім другім з’яўленні анёл не толькі заклікаў дзяцей да малітвы, але хацеў, каб “дзеці пастаянна ахвяравалі Найвышэйшаму малітвы і вырачэнні”. Люцыя, адна з візіянерак, тады запытала: “Як мы павінны рабіць вырачэнні?”, а анёл адказаў: “З усяго, наколькі можаце, чыніце з сябе ахвяры як кампенсацыю за грахі, якімі Бог абражаецца, і для таго, каб выпрасіць навяртанне грэшнікаў””.
Парафія св. Міхала ў Навагрудку дае добрую магчымасць прайсці супольныя рэкалекцыі пакуты і пакаяння не толькі за сябе, але і за грахі тых людзей, якія не давяраюць і не каюцца. У праграме рэкалекцый будуць дзве ўсяночныя адарацыі, некалькі канферэнцый, пакутная пілігрымка да Маці Божай Новага Жыцця ва Уселюб, пакутны Крыжовы шлях і іншыя супольныя пакутныя набажэнствы.
Рэкалекцыі пройдуць па адрасе: касцёл святога Міхала Арханёла, вул. Міцкевіча, 1, г. Навагрудак.
Кантактны тэлефон для запісу і дадатковай інфармацыі:
+375 44 771 99 83 – Марына
Праграма рэкалекцый (магчымыя невялікія змены):
24 чэрвеня, пятніца
14.00 – заезд і рассяленне
14.30 – уступная канферэнцыя і разважанне
15.00 – Вяночак да Божай Міласэрнасці і адарацыя Найсвяцейшага Сакрамэнту
15.20 – Ружанец з разважаннямі
16.00 – споведзь
18.00 – Ахвяра святой Імшы
19.30 – вячэра
20.00 – канферэнцыя аб патрэбе экспіяцыі і малітвы прыніжэння
21.00 – пакутны Крыжовы шлях
23.30 – малітва прыніжэння і пачатак усяночнай малітвы адарацыі Найсвяцейшага Сакрамэнту
25 чэрвеня, субота
08.00 – супольнае заканчэнне начной адарацыі
08.30 – сняданак
09.30 – канферэнцыя пра Ружанец і яго моц
11.00 – чытанне і разважанне над Божым Словам у касцёле
12.00 – “Анёл Панскі”, набажэнства да Маці Божай Нястомнай Дапамогі і Гадзінкі
12.30 – абед
13.15 – пакутная пілігрымка ва Уселюб
18.00 – складковая Ахвяра святой Імшы ў інтэнцыях вырашэння праблем у сем’ях і грамадстве
19.30 – вячэра
20.30 – супольная малітва ўдзячнасці і праслаўлення ў адарацыі Найсвяцейшага Сакрамэнту
22.00 – пакаянная працэсія вакол касцёла са свечкамі
23.00 – начная адарацыя Найсвяцейшага Сакрамэнту
26 чэрвеня, нядзеля
07.30 – заканчэнне адарацыі
08.00 – сняданак
08.45 – канферэнцыя пра вартасць удзячнасці Богу
10.00 – святая Імша падзякі і заканчэнне
Падчас рэкалекцый прапануецца пост на вадзе або на хлебе і вадзе.
Прапануецца прынесці пакаянную матэрыяльную ахвяру на духоўныя мэты.
Прапануецца добра падрыхтавацца да святой споведзі.
З сабой мець Біблію, ружанец і выгодны абутак на пакутную пілігрымку.
