23 мая ў дыяцэзіяльным санктуарыі Маці Божай Каралевы нашых сем’яў у Тракелях (Радунскі дэканат) адбудзецца дзень засяроджання для святароў, законных сясцёр і свецкіх катэхетаў Гродзенскай дыяцэзіі.
Сустрэча будзе нагодай падзякаваць Пану Богу за 31 год біскупскага служэння біскупа Гродзенскага Аляксандра Кашкевіча і за 2021-2022 катэхетычны год, які падыходзіць да завяршэння.
Праграма сустрэчы:
10.00 – пачатак
- аскетычная канферэнцыя
- aдарацыя Найсвяцейшага Сакрамэнту з магчымасцю прыступіць да сакрамэнту паяднання
12.00 – святая Імша, якую ўзначаліць біскуп Аляксандр Кашкевіч
- на заканчэнне сустрэчы – абед
