20-21 мая пры парафіі святога Міхала Арханёла ў Навагрудку адбудзецца І Біблійны кангрэс на тэму “Сінадальнасць у Святым Пісанні”. У мерапрыемстве прымуць удзел духоўныя і свецкія біблісты і тэолагі, якія чыталі лекцыі ў Біблійнай школе “Прафэтэс”.
Сярод дакладчыкаў варта ўзгадаць ксяндза доктара Сяргея Сурыновіча, ксяндза доктара Аляксандра Мацкевіча, доктара Уладыслава Валаховіча, доктара Ірыну Дубянецкую, ксяндза ліцэнзіята Юрыя Санько, айца ліцэнзіята Аркадзя Куляху OCD.
Арганізацыя падзеі прымеркавана да ўрачыстага завяршэння курсу Біблійнай школы “Прафэтэс” у Навагрудку, вучнямі якой у 2021-2022 гадах былі вернікі з усёй Беларусі. Мэтай правядзення кангрэсу з’яўляецца заахвочванне вернікаў да больш паглыбленага вывучэння Божага слова.
На завяршэнне кангрэсу выпускнікі Біблійнай школы “Прафэтэс” атрымаюць адмысловыя пасведчанні.
У кангрэсе можа прыняць удзел кожны, хто зацікаўлены ў больш паглыбленым вывучэнні Святога Пісання.
Кантакты для запісу і атрымання дадатковай інфармацыі:
+375 44 771 99 83 (Марына)
e-mail: nowogrudec@gmail.com
Арганізатар падзеі – парафія святога Міхала ў Навагрудку (вул. Міцкевіча, 1).
Праграма будзе дададзена.
