У суботу 22 студзеня ў гродзенскім катэдральным касцёле Св. Францішка Ксаверыя ў межах Тыдня малітваў аб адзінстве хрысціянаў пройдзе экуменічнае набажэнства з удзелам прадстаўнікоў розных хрысціянскіх канфесій.
Малітву ўзначаліць біскуп Гродзенскі Аляксандр Кашкевіч.
Пачатак у 18.00.
Традыцыйна Тыдзень малітваў аб адзінстве хрысціянаў праходзіць ва ўсім свеце з 18 па 25 студзеня.
Сёлета яго тэмай сталі словы з Евангелля паводле Мацвея: "Мы бачылі зорку Ягоную на ўсходзе і прыйшлі пакланіцца Яму” (Мц 2, 2).
Матэрыялы на сёлетні Тыдзень малітваў аб адзінстве хрысціянаў былі падрыхтаваныя Радай Касцёлаў Блізкага Усходу і зацверджаны Сусветнай Радай Касцёлаў і Папскай радай спрыяння хрысціянскаму адзінству.
Матэрыялы Тыдня малітваў аб адзінстве хрысціянаў ТУТ.
