З 21 па 23 студзеня ва Уселюбе адбудуцца рэкалекцыі на тэму “Як стаць разумным?”.
“Святы Ян кажа: вы, юнакі, можаце мець сілу, вы можаце перамагчы злога (1 Ян 2, 14). Дзе ўзяць сілу? Што для гэтага трэба? Аднак сіла не складаецца толькі з самой сілы. Ёсць яшчэ адзін важны элемент, ад якога будзе залежаць эфектыўнасць нашага жыцця. Гэты элемент праходзіць па ўсёй кнізе Прыпавесцяў.
У гэтай серыі рэкалекцый мы звернем увагу на дамінуючую тэму, якой цар Саламон пачынае кнігу Прыпавесцяў. Гэтая тэма – практычная, асабістая мудрасць жыцця: як навучыцца перамагаць?” – адзначаюць арганізатары.
Пачатак рэкалекцый у пятніцу ў 19.00, заканчэнне ў нядзелю ў 13.30.
Адрас: касцёл святога Казіміра, вул. Чырвонаармейская, 20, а.г. Уселюб, Навагрудскі раён, Гродзенская вобласць. У Доме пілігрыма каля касцёла можна будзе пераначаваць і атрымаць трохразовае харчаванне.
Праводзіць рэкалекцыі кс. Віталій Цыбульскі, пробашч парафіі св. Казіміра ва Уселюбе.
Кантакт для атрымання дадатковай інфармацыі і запісу:
+375 29 280 05 45
Паглядзець праграму рэкалекцый ва Уселюбе на 2022 год і інфармацыю, як дабрацца, можна па спасылцы.
