З 25 па 27 лютага ў Навагрудку пры парафіі св. Міхала Арханёла адбудуцца рэкалекцыі, тэмай якіх будзе ўнутранае аздараўленне. Рэкалекцыі правядзе пробашч парафіі ў Мастах кс. Віктар Ханько.
У духоўных практыкаваннях можа прыняць удзел кожны дарослы, які хоча спазнаць гаючую прысутнасць Езуса ў Яго Слове і Эўхарыстыі.
“Чытаючы Евангелле, можна заўважыць, што Езус хоча аздаравіць чалавека не толькі фізічна, але таксама ўнутрана: нашую псіхіку, эмоцыі і душу, – адзначаюць арганізатары рэкалекцый. – Духоўны досвед многіх людзей, аздароўленых духоўна, прыносіць прыгожыя плёны. Езус не толькі паслугоўваецца іншымі людзьмі, напрыклад, урачамі, але і сам з’яўляецца найлепшым урачом, асабліва калі медыцына бязрадная. Хрыстус заахвочвае нас, каб мы маліліся аб унутраным аздараўленні саміх сябе, але і іншых.
Вяртанне да Бога з’яўляецца сапраўдным духоўным аздараўленнем. Усе іншыя аздараўленні ўзаемазвязаныя: аздараўленне душы прыводзіць да лепшага псіхічнага стану, а гэта ў сваю чаргу прыводзіць да папраўлення стану фізічнага. Значная частка нашых фізічных праблем мае сваю крыніцу ў эмацыйных ранах, якія мы атрымалі ў мінулым. Нават малазначныя падзеі – які-небудзь факт ці сітуацыя – могуць моцна паўплываць на жыццё, выклікаючы вельмі балючыя і глыбока закаранёныя эмацыйныя раны. Менавіта тады ўнутранае аздараўленне памяці і прыняцце складаных сітуацый можа дапамагчы ў аздараўленні эмоцый, псіхікі ці нават цела. Унутранае аздараўленне належыць разумець у сэнсе псіхічным і духоўным. Таму што кожны грэх, у якім чалавек знаходзіцца – як гаворыць кс. Габрыэле Аморт, – можа выклікаць не толькі духоўныя, але і псіхічныя і фізічныя наступствы”.
Рэкалекцыі пройдуць па адрасе: вул. Савецкая, 2, касцёл св. Міхала Арханёла ў Навагрудку.
Пытанні і запіс па тэлефонах:
+375 29 288 70 44 Наталля
+375 44 771 99 83 Марына
З сабой неабходна мець Біблію (Стары і Новы Запаветы) і ружанец.
Праграма рэкалекцый:
Пятніца
18.00 – прыезд
19.00 – вячэра
20.00 – святая Імша і ўводзіны ў рэкалекцыі
Субота
8.15 – Ружанец
9.00 – сняданак
10.00 – канферэнцыя
11.30 – перапынак
12.00 – канферэнцыя
13.30 – абед
15.00 – Вяночак да Божай Міласэрнасці і споведзь
18.00 – святая Імша
19.00 – вячэра
20.00 – адарацыя з малітвай
Нядзеля
8.15 – Ружанец
9.00 – сняданак
10.00 – канферэнцыя
11.30 – малітва і сведчанні
13.00 – святая Імша
14.00 – абед
