20 лістапада ў гродзенскім рэктаральным касцёле Звеставання Найсвяцейшай Панне Марыі (пабрыгіцкім) адбудзецца чуванне моладзі, прымеркаванае да 36-га Сусветнага дня моладзі на дыяцэзіяльным узроўні.
Чуванне пад дэвізам “Устань і сведчы” будзе ўяўляць сабой анлайн-сустрэчу напярэдадні Сусветнага дня моладзі, які будзе адзначацца ва ўрачыстасць Пана нашага Езуса Хрыста, Валадара Сусвету.
Душпастыр моладзі кс. Антоні Грэмза запрашае на сустрэчу маладых вернікаў з розных парафій.
Прыблізная праграма:
19.00 – святая Імша (цэлебруецца асобна ў парафіях дыяцэзіі)
20.20–20.30 – усталяванне сувязі паміж удзельнікамі чування
20.30 – пачатак чування
20.30–20.40 – прывітальнае слова (кс. Антоні Грэмза), пасланне Папы Францішка, прысвечанае Дню моладзі
20.40–20.50 – малітва, інтэнцыі (па 2 інтэнцыі ад моладзі кожнай парафіі; мова любая)
20.50–21.00 – сведчанне ад моладзі (да 7 хвілін)
21.00–21.10 – флэшмоб
21.10–21.20 – сведчанне ад моладзі (да 7 хвілін)
21.20–21.30 – караоке (будуць праспяваны 1-2 песні, напрыклад “Прачнулася Беларусь”)
21.30–21.35 – зварот біскупаў да моладзі (відэаролік)
21.35–21.40 – прысвячэнне моладзі Езусу
21.40 – благаслаўленне на заканчэнне
