У сувязі з пачаткам фармацыйна-катэхетычнага года пачынаюцца фармацыйныя сустрэчы шкаплернага брацтва ў Гродне.

Сустрэчы будуць праходзіць у парафіi Найсвяцейшага Адкупіцеля (Дзевятоўка).

Першая сустрэча адбудзецца 2 кастрычніка, у першую суботу месяца. Яна распачнецца святой Імшой у 10 гадзін, пасля Імшы будзе магчымасць атрымаць святы шкаплер Марыі з рук айцоў кармэлітаў босых. Затым пройдзе фармацыйная сустрэча з супольнасцю.

Айцы кармэліты, якія праводзяць гэтыя сустрэчы, запрашаюць усіх, хто носіць шкаплер Марыі з гары Кармэль, а таксама ўсіх, хто цікавіцца кармэліцкай духоўнасцю і прагне наследаваць цноты Маці Божай у сваім штодзённым жыцці.

Запрашаюцца і тыя, хто хоча атрымаць шкаплер Марыі з рук кармэлітаў, што можна будзе зрабіць падчас кожнай сустрэчы шкаплернага брацтва.

Больш падрабязную інфармацыю можна атрымаць у а. Аляксандра Стокі OCD, адказнага за сустрэчы, па тэлефоне:

+375 44 589 68 98