З 15 па 17 ліпеня адбудзецца XXIV пілігрымка Іўеўскага дэканату да Маці Божай Тракельскай на роварах. Маршрут пілігрымкі нязменны, але з начлегам у Лаздунах і Галімшчыне.
Пілігрымка распачнецца святой Імшой у Сурвілішках а 9-й гадзіне і завершыцца “сустрэчай з Маці” ў Тракелях а 15-й гадзіне.
Арганізатары заахвочваюць як тых, хто будзе ўдзельнічаць у пілігрымцы, так і іншых жадаючых прыбыць сем’ямі ў Тракелі на “сустрэчу з Маці”, каб, як і ў мінулым годзе, гэтае мерапрыемства сабрало не толькі іўеўскіх жыхароў, але і тых, якія ўжо шмат часу працуюць і жывуць далёка ад гэтых мясцінаў.
Для ўдзелу ў пілігрымцы просьба напісаць на электронную пошту dekanat.iwje@gmail.com, указаўшы сваё імя, прозвішча, узрост, парафію і адкуль далучаецеся да пілігрымкі. Арганізатар пілігрымкі – ксёндз Ян Гавецкі.
Сёлетнія ўрачыстасці ў дыяцэзіяльным санктуарыі ў Тракелях пройдуць 10-11 ліпеня. Як і ў мінулым годзе, пілігрымкі будуць адбывацца ў індывідуальным парадку.
