22-23 мая ва Уселюбе адбудуцца рэкалекцыі на тэму “Як пабудаваць здаровыя адносіны з Богам?”.
Падчас духоўных практыкаванняў будуць закранацца пытанні:
- ці дапамагае вам вобраз Бога, які вы носіце ў сабе, або перашкаджае вашым адносінам з Богам;
- стэрэатыпы пра Бога, малітву і веру, якія перашкаджаюць вашаму духоўнаму і не толькі духоўнаму развіццю;
- што ўскладняе мае адносіны з Богам;
- духоўныя ілюзіі.
Рэкалекцыі прызначаны для ўсіх, хто:
- імкнецца сфармаваць у сабе здаровую асобу, грунтуючыся на хрысціянскіх каштоўнасцях;
- шукае паўнату жыцця ў веры;
- хоча навучыцца чэрпаць сілы і надзею з Божага слова;
- жадае лепш і больш эфектыўна спраўляцца з праблемамі ў штодзённым жыцці;
- хоча свядома ствараць добрыя адносіны з людзьмі;
- імкнецца прынесці больш радасці ў сваё жыццё і жыццё іншых.
Рэкалекцыі правядзе кс. Віталій Цыбульскі, пробашч парафіі св. Казіміра ва Уселюбе. У праграме плануюцца святая Імша, Эўхарыстыя, адарацыя, духоўныя канферэнцыі на тэму рэкалекцый, малітва аздараўлення, магчымасць споведзі і духоўнай размовы са святаром.
За ўдзел, начлег і харчаванне ўносіцца дабрачыннае ахвяраванне.
Рэкалекцыі распачнуцца святой Імшой у суботу ў 11.00, скончацца ў нядзелю ў 13.30. Начлег і харчаванне – у Доме пілігрыма. З сабой трэба мець Біблію, нататнік, зменны абутак.
Абавязковая рэгістрацыя па тэлефоне або вайберы: +375 29 280 05 45,
а таксама па электроннай пошце: casimir1433@gmail.com
