“Цэнтр Дапамогі Жыццю” распачынае збор вырабаў для велікоднага кірмашу. Сабраныя сродкі будуць прызначаныя на патрэбы падапечных гродзенскага хоспіса.
Прывозіць вырабы можна ў офіс фонда ў Гродне па вул. Лялевеля, 12, каб. 39 (бізнес-цэнтр “МаРРо”, раён тытунёвай фабрыкі) да пятніцы 2 красавіка.
Кірмаш будзе праходзіць на пляцоўцы ля касцёла Найсвяцейшай Панны Марыі Вастрабрамскай па вул. Рэпіна ў Гродне ў суботу 3 красавіка з 9.00 да 17.00.
“Цэнтр Дапамогі Жыццю” – першая ў Беларусі спецыялізаваная профільная сацыяльна-дабрачынная ўстанова, якая ажыццяўляе дапамогу пацыентам дарослых аддзяленняў хоспіса. Аказвае сацыяльную, юрыдычную, духоўную і псіхалагічную дапамогу, а таксама праводзіць шэраг разнастайных мерапрыемстваў, якія дапамагаюць пацыентам адысці ад думак пра сваё захворванне, годна жыць і радавацца жыццю, нягледзячы ні на што.
