Езус памёр на крыжы, каб нас збавіць. Гэта сапраўды вялікі, незаслужаны дар Бога для чалавека. Пра гэта нагадвае закрыццё крыжа, каб мы маглі перажыць тое, што і вучні, калі Езус сказаў: “Яшчэ крыху Я буду з вамі” (Ян 13, 33).
Адкрыццё крыжа ў Вялікую пятніцу, яго ўрачыстае ўнясенне, укленчванне перад ім – усё гэта гаворыць аб тым, што хочам ушанаваць крыж як дар і таямніцу, дар цалкам незаслужаны, але ў якім праяўляецца дзеянне Бога на нашу карысць. Гэта паказвае таксама, як хрысціянства са сваёй літургіяй цэніць усе вымярэнні чалавецтва.
Літургія не толькі для інтэлекту, але і для нашых пачуццяў і эмацыянальнасці, якая ідзе за імі.
Будзем жа перажываць пабожна, з верай гэты святы час. І няхай крыж, калі зноў яго ўбачым, зробіць на нас уражанне.
Кс. Юрый Марціновіч