Ніжэй знойдзеце цікавыя факты з жыцця святога Фларыяна і некалькі паданняў адносна яго мучаніцкай смерці.
- У маладосці Фларыян прысвяціў сябе прафесійнай вайсковай службе і дайшоў да рангу камандзіра. Будучы адважным чалавекам, ён палюбіў прафесію вайскоўца ўсім сэрцам, але яшчэ больш ён любіў Хрыста, і пакляўся яму ў вернасці да смерці.
- Хрысціянскую веру св. Фларыян прыняў таемна.
- Калі даведаўся аб тым, што ў горадзе Лорхе ў Верхняй Аўстрыі павінны пакараць смерцю некалькі дзясяткаў хрысціян, прыехаў туды, каб выратаваць іх. За такі ўчынак быў арыштаваны і пазбаўлены ўсіх ваенных узнагарод.
- Пасля адмовы прынесці ахвяру язычніцкім багам быў падвергнуты жорсткім катаванням.
- Калі нават катаванні не змаглі пахіснуць веру Фларыяна ў Хрыста, яму на шыю павесілі жарон і ўтапілі ў рацэ.
- Існуе паданне, нібы салдат, які скінуў Фларыяна ў раку, адразу аслеп. Паднялася хваля, якая вынесла цела на скалісты выступ, а затым на яго спусціўся арол, абараняючы цела ад апаганьвання.
- Пасля смерці мучанік аб'явіўся пэўнай верніцы і папрасіў, каб ягонае цела пахавалі. Пры перавозцы цела ў пэўным моманце запрэжаная ў воз жывёла знемагла і не пайшла далей. Тады адбыўся цуд. У зямлі адкрылася крыніца з вадой, жывёлы насыціліся і давезлі цела святога да месца пахавання.
- З цягам часу на месцы пахавання св. Фларыяна пабудавалі святыню.
- Святы Фларыян з’яўляецца заступнікам пажарных, пекараў, півавараў, садоўнікаў, бондараў, ганчароў, металургаў, кавалёў. А яшчэ яго лічаць заступнікам Польшчы, Верхняй Аўстрыі і горада Лінц.
Малітва да святога
Божа, Ты, які св. Фларыяну за адвагу прызнання Цябе і за яго пралітую мучаніцкую кроў падарыў карону святасці і шчаслівае жыццё вечнае, зрабі так, каб і у нас абудзілася мужнасць, каб мы вызнавалі веру ў Хрыста перад іншаверцамі. Праз Пана нашага Езуса Хрыста. Амэн.
А. Марцішэўская