Св. Тамаш Аквінскі (1225 - 1274) - святы, доктар Касцёла, багаслоў і філосаф, манах-дамініканец. Яго называюць самым вучоным чалавекам сярод святых і самым святым сярод вучоных.

Малітва, напісаная св. Тамашам Аквінскім для вучняў і студэнтаў

Прыйдзі, Дух Святы, Творца Боскі,

Праўдзівае святло і мудрасці крыніца!

Адары мой розум сваім ззяннем,

Схавай цемру, што агарнула мяне,

Цемру граху і невуцтва.

Дай мне розум праніклівы,

Моцную памяць

Метад і лёккасць у навучанні,

Яснасць разумення

І шмат ласкі ў праяўленні сябе.

Кіруй пачаткам маёй працы,

Накіроўвай яе развіццё

І вядзі да паспяховага завяршэння.

Усё гэта прашу праз Езуса Хрыста,

Сапраўднага Госпада і чалавека,

Які існы, і кіруе з Табой, Ойча, на векі вечныя. 

Амэн.