Імя Папы Сільвестра I, які памёр 31 снежня 335 года і «замыкае» сабой каляндарны год, становіцца для нас сімвалічным менавіта дзякуючы ўшанаванню гэтага Папы ў апошні дзень года. Сільвестр, які стаў біскупам Рыма пасля Папы Мельхіада, а менавіта - 314 года, сваё кіраванне Касцёлам пачаў пасля паваротнага для хрысціянства Міланскага эдыкта 313 года. Гэтым дакументам імператар Канстанцін Вялікі абвясціў талерантнасць да хрысціянства на тэрыторыі Рымскай імперыі. Сільвестр І азначае сабой пераход да ўспаміну праслаўленых хрысціян, якія ўжо не былі мучанікамі. Таму можна сказаць, што Папа Сільвестр - гэта вельмі добры успамін для мірнага завяршэння чарговага года жыцця.
Пра яго жыццё вядома мала: нарадзіўся ў Рыме, стаў святаром 284 годзе, пры імператары Дыяклетыяне, і дасведчый ганенне за хрысціянскае пахаванне памерлых. Для нас важна, што Нікейскі Сабор, на якім быў прыняты Сімвал веры, адбыўся пры жыцці гэтага Папы (325 г.). А значыць, Крэда, як і дагмат аб Боскасці Сына і Яго роўнасці з Айцом, зацверджваў гэты Папа. З імем Сільвестра і звязваюць спосаб кансэкрацыі святыняў. Звернуты ў хрысціянства імператар Канстанцін будаваў храмы, у тым ліку - св. Яна на Латэране і св.Пятра ў Ватыкане. Урачысты рытуал асвячэння гэтых велічных храмаў стаў асновай для чыну асвячэння храмаў па ўсім свеце.
Легенда прыпісвае Папе Сільвестру і навяртанне імператара Канстанціна: ён быў хворы, да яго заклікалі многіх лекараў і жрацоў, але толькі пасля малітвы гэтага хрысціянскага біскупа Канстанцін ачуняў, а затым прызнаў хрысціянства сапраўднай рэлігіяй.
У іканаграфіі св. Сільвестр прадстаўлены ў папскіх рызах ці як папа ў тыяры і чырвоным плашчы. Яго атрыбуты: мадэль храма, кніга, трохраменны крыж, паліюш, тыяра, змей з кнігай, змей у нагах.
Паводле Credo