"Няхай ва ўсіх будзе ў пашане сужэнстваі сужыццё беззаганнае, бо распуснікаў і чужаложнікаў судзіць будзе Бог”, - Біблія (Евр.13: 4). "Грамадзянскі шлюб" – гэта сужыццё мужчыны і жанчыны без рэгістрацыі. Сама назва ўтрымлівае ў сабе хлусню, бо шлюб - гэта саюз двух: мужа і жонкі, а тыя, хто ўступаюць у грамадзянскі саюз - гэта сужыцелі.
Навамодныя псіхолагі рэкамендуюць пажыць у «выпрабавальным шлюбе». Актрысы, спевакі, кіназоркі і іншыя грамадскія людзі не саромеюцца распавядаць на старонках часопісаў аб сваіх свабодных, «без штампа», адносінах. Па факце, усе атрыбуты сапраўднага шлюбу ёсць, а адказнасці ніякай. «Грамадзянскі шлюб» часам называюць «выпрабавальным»: маладыя людзі хочуць праверыць свае пачуцці і пажыць, як муж і жонка «панарошку», а потым зарэгістравацца. Зрэшты, часам аб рэгістрацыі гаворка наогул не ідзе.
Блуднае сужыццё - гэта і ёсць грамадзянскі шлюб, тут не можа быць гаворкі пра каханне. Звычка, жаданне, запал, што заўгодна, але не каханне. У сапраўднай любові няма страху адказнасці («У любові няма страху, але дасканалая любоў праганяе страх, бо страх ёсць з-за боязі перад пакараннем; хто баіцца, той недасканалы ў любові».( 1 Ян 4:18). Уступіць у шлюб азначае, што чалавек гатовы не проста карыстацца «каханым» чалавекам, але і ўзяць на сябе адказнасць за яго.
Многія скардзяцца, што ў іх няма грошай і няма жылля, але ж гэта не бязвыхадная сітуацыя: навучыся зарабляць грошы, набудзь жыллё і ажаніся, іншая праблема: «Ужо замуж карціць!». Гэта значыць пары не церпіцца жыць разам. Добра, жаніцеся, здымайце жыллё, перажывайце цяжкасці, як многія нашы бабулі і дзядулі. Не ўсе ствараюць сям'ю, маючы ў запасе шыкоўны дом, прыгожы аўтамабіль і мільён долараў.
Людзі баяцца праблем і ставяць сабе пагібельны прынцып: цяжкасці пераносіць не хочам, а задавальненне павінна быць пастаянна. Калі ёсць любоў, то прадэманструйце яе, будзьце гатовыя на адрачэнні і на будаванне.
«Таму пакіне мужчына бацьку свайго і маці і злучыцца з жонка сваёй; і будуць адным целам» (Быц. 2; 24).
Многія не разумеюць, што дрэннага ў тым, што людзі прыціраюцца характарамі, правяраюць свае адносіны, перш чым зарэгістраваць іх у ЗАГСе?
Вядома, пара можа правяраць свае пачуцці, але не сужыццё. Калі Гасподзь стварыў Адама, Ён жа не прывёў да яго некалькі Еваў і не сказаў: «прымярай, Адам, якая табе падыдзе». Гасподзь стварыў адну жонку, і блаславіў Адама і Еву на шлюб. Калі гэты прынцып парушаецца, то людзі губляюць Божае блаславенне. Калі малады чалавек не ўпэўнены ў тым, што любіць дзяўчыну, значыць, ён не мае права карыстацца яе маладосцю, прывабнасцю і прыгажосцю.
Шлюбны саюз злучае мужчыну і жанчыну ў «адно цела» (Эф. 5; 31) для ўзаемнай любові, нараджэння і выхавання дзяцей. Але Біблія кажа нам і пра тое, што ў блудзе людзі таксама злучаюцца ў «адну плоць», але толькі ўжо ў грэх і беззаконне. Для грахоўнай асалоды і безадказнасці. Яны становяцца змоўшчыкамі ў маральным злачынстве («Ці ж не ведаеце, што, хто злучаецца з распусніцай, з’яўляецца адным целам [з ёю]? Бо, як сказана, двое будуць адным целам».(1-я Кар. 06:16).
Давайце разгледзім духоўны прынцып стварэння сям'і на прыкладзе рэлігійных сем'яў: хрысціянскіх і мусульманскіх.
Мусульманства ўхваляе шматжонства, у той час, як хрысціянства разглядае блуд, як грэх здрады: «Я ж кажу вам: хто разводзіцца са сваёй жонкай не з прычыны распусты і ажэніцца з іншай, той чыніць распусту» ( Матфея 19: 8, 9).
Значыць, што чалавек, які не ўступіў у законны шлюб перад Госпадам і дзяржавай, займаецца блудам, уцягваючы ў яго і іншых людзей.
Наяўнасць шлюбу - гэта яшчэ адно адрозненне нас ад жывёл. У звяроў шлюбу няма. Самка можа паравацца з любым самцом, нават з уласнымі дзецьмі, калі яны вырастуць. У людзей жа існуе шлюб, узаемная адказнасць, абавязкі адзін перад адным і перад дзецьмі.
Кожная беззаконная плоцкая сувязь наносіць глыбокія раны душы і целу чалавека, і калі ён захоча ўступіць у шлюб, яму будзе вельмі цяжка насіць у сабе гэты груз і памяць аб мінулых грахах. Блуд злучае людзей для таго, каб параніць іх целы і душы.
Не выпадкова тое, што шлюбы, у якіх быў перыяд сужыцця да жаніцьбы, распадаюцца значна часцей, чым тыя, дзе муж і жонка такога досведу не мелі. Грэх не можа ляжаць у падмурку сямейнага будынка. Бо цялесныя адносіны мужа і жонкі даюцца ім, як ўзнагарода за іх цярпенне і чысціню. Маладыя людзі, якія не шануюць сябе да шлюбу - людзі расхлябаныя, бязвольныя. Калі яны ні ў чым не адмаўлялі сабе да шлюбу, то, гэтак жа лёгка і свабодна пойдуць «налева» ужо ў шлюбе.
Нездарма цяпер, калі для многіх дашлюбныя сувязі сталі нормай, павысілася і колькасць разводаў. Каб пазбегнуць няверных і небласлаўлёных адносін, неабходна выконваць Божыя законы, якія маюць на ўвазе таксама і законы дзяржавы:
"Падпарадкоўвайцеся кожнай людской уладзе дзеля Пана: ці то каралю, як найвышэйшаму ўладару, ці то кіраўнікам, што пасланы ім для пакарання злачынцаў і для пахвалы дабрачынцаў. Бо воля Божая ў тым, каб, робячы дабро, прымушалі замаўчаць невуцтва неразумных людзей. Паводзьце сябе як слугі Божыя і свабодныя людзі, а не як тыя, што выкарыстоўваюць свабоду для прыкрыцця зла. "(1Пет.2: 13-16).
Гэта значыць, шлюб - гэта запавет перад Богам і аформленыя адносіны ў дзяржаўных органах. А мець правільныя адносіны, якія бласлаўляе Бог, сказана ў Бібліі. Гасподзь вучыць, што жыць па закону прасцей, чым знаходзіць прычыны абыйсці яго!
Матэрыял падрыхтаваны на аснове артыкула cвятара Паўла Гумерова (Расія)
Паводле 316news.org.