Паколькі працэнт разводаў сярод вернікаў набліжаецца да ўзроўню разводаў у свеце, я лічу што важна зрабіць такую «памятку» адзінокім жанчынам, якія шукаюць сур'ёзных узаемаадносін. Я бачыла вельмі шмат душэўнага болю тых жанчын, каторыя не паслухаліся сваіх духоўных кіраўнікоў, якія раілі ім не выходзіць замуж. З вялікай колькасці прычын, што прыводзяць да разводаў, я выбрала гэтых пяць пунктаў, якія найчасцей ігнаруюцца жанчынамі, якія выходзяць замуж «не за таго».
1. Бог яго не цікавіць.
Дзіўна, як шмат жанчын ігнаруюць гэты базавы знак асцярожнасці. Але я думаю, прычыны гэтага крыюцца ў недахопе мужчынскай увагі або ў пошуках бацькі, якога яны ніколі не мелі. Вы толькі не зразумейце мяне няправільна - можа здавацца, што Бог яго цікавіць, нейкі час ... пакуль ён не падвядзе вас да алтара. А пасля рыхтуйцеся да штотыднёвых нядзельных ранішніх бітваў, калі яму будзе больш хацецца пайсці на якую-небудзь спартыўную гульню, чым у касцёл.
Шлюб - гэта не магчымасць паевангелізаваць, і не поле для прапаганды. Бог настолькі сур'ёзна ставіцца да шлюбу, што кажа вам пра тое, што вы не можаце станавіцца пад чужое ярмо: «Не запрагайцеся з няверуючымі ў адно ярмо. Бо што мае агульнага справядлівасць з несправядлівасцю? Або якая супольнасць святла з цемраю?» (Другое пасланне да Карынцянаў 06.14) Пасля прыняцця рашэння аб крочанні за Хрыстом, уступленне ў шлюб - найбольш важнае рашэнне, якое толькі можна зрабіць у жыцці.
2. Вашы духоўны кіраўнік або святар лічаць, што выйсці замуж за яго - дрэнная ідэя.
Я бачыла, як ствараюцца сем'і нягледзячы на перасцярогі з боку духоўнага кіраўніцтва. У большасці выпадкаў, такія шлюбы заканчваюцца разводамі або вісяць на валаску ад скасавання. Калі мой муж, Джэрам, папрасіў маёй рукі, я спачатку параілася з некаторымі веруючымі людзьмі з яго акружэння. Я пыталася пра яго характар. Кожны з іх даў майму будучаму жаніху цёплы водгук, высока ацаніўшы яго сумленнасць, вернасць і адданасць. Іх меркаванні былі для мяне знакам, што ён - «той самы» для мяне.
3. Ён не падабаецца вашым бацькам.
Мая мама ўвесь час расказвала, як яе бацькі ненавідзелі майго бацьку. Так, ён быў тым самым 29-гадовым мужчынай, які спакусіў 15-гадовую дзяўчынку выйсці за яго замуж насуперак волі бацькоў! Зразумела, што яны яго ненавідзелі. Праз шмат гадоў яна шкадавала аб тым, што не паслухалася сваіх бацькоў.
Мае дзядуля і бабуля не былі вернымі хрысціянамі, але я веру, што Бог дае бацькам маяк на мужчын, у якіх не лепшыя матывы ў дачыненні да іх дачкі. Калі мая мама ўпершыню сустрэлася з Джерамам, ён ёй адразу ж спадабаўся. Джерам заваяваў сэрца маіх бацькоў і іх згоду выдаць мяне за яго. Гэта было другім знакам для мяне: Джерам - менавіта той.
4. У яго няма працы, ні на адной працы ён доўга не трымаецца.
У мяне быў хлопец, які заплаціў за мой абед талонамі на харчаванне. Нягледзячы на тое, што ён быў веруючым, гэта было для мяне знакам ад Бога, што ён - не кандыдат для сур'ёзных адносін. Калі вам даводзіцца плаціць за сябе падчас вашых адносін, або дапамагаць яму фінансава, таму што ён не можа знайсці працу - ён не з'яўляецца кандыдатам для ўступлення ў шлюб. Ён можа маліцца мовамі і шмат чытаць Біблію, але калі ён не можа ўтрымацца на працы - гэта чырвоная лямпачка, якая нешта гаворыць пра яго характар.
Адна з маіх сябровак пазнаёмілася з хлопцам на біржы працы. Я ёй казала, што біржа працы - не лепшае месца для таго, каб сустрэць хлопца. Яна сустракалася з ім, але іх адносіны скончыліся, таму што ён усё ніяк не мог знайсці працу.
Біблія кажа: калі ты не працуеш, так і не еш. Наяўнасць працоўнай этыкі абавязкова для таго, каго вы разглядаеце ў якасці жаніха: «Дык , калі мы былі ў вас, гэта вам загадвалі: хто не хоча працаваць, хай не есць» (Другое пасланне да Фесаланікійцаў 3:10)
5. У яго ёсць залежнасць.
Адна мая знаёмая выйшла за хлопца, у якога былі праблемы з парнаграфіяй у інтэрнэце. Яна пра гэта даведалася толькі праз некалькі гадоў сумеснага жыцця, калі ў іх ужо былі дзеці. Ён не захацеў праходзіць кансультавання па рашэнні гэтай праблемы, і ў рэшце рэшт яны развяліся. Мужчына, залежны ад парнаграфіі, наркотыкаў або алкагольных напояў - не кандыдат для ўступлення ў шлюб. Ён можа казаць вам, што плануе прайсці кансультаванне або што хоча, каб Гасподзь вызваліў яго ад залежнасці - таму што гэта менавіта тое, што вы хочаце чуць. Але да таго часу, пакуль ён не свабодны ад сваёй залежнасці, ён - не «той самы».
Прашу вас, не ідзіце на кампраміс па гэтых пунктах. Я бачыла так шмат болі ў сем'ях, дзе жанчыны выйшлі замуж нягледзячы на парады мудрых кіраўнікоў, ці выбралі ў мужы чалавека з залежнасцю. Прыслухоўвайцеся да сваіх духоўных кіраўнікоў і бацькоў. І галоўнае, не апраўдвайце яго.
Ён - не «той самы».
Паводле старонкі Charisma Magazine