Навэнна св. Хосэмарыі Эскрывы ў намеры пошуку працы. Ёю можна маліцца, як для таго, каб знайсці працу, так і для таго, каб належна выконваць тую, якая ў нас ужо ёсць.
Дзень першы. Праца, як шлях да святасці.
Словы св. Хосэмарыі:
Мы прыйшлі, каб яшчэ раз нагадаць: Езус трыдцаць гадоў працаваў плотнікам у Назарэце. У Яго руках прафесійная праца - такая ж, як і праца мільёнаў людзей ва ўсім свеце - ператварылася ў боскае заданне, стала часткай нашага адкуплення, шляхам выратавання. Размовы з Айцом Хосэмарыя Эскрыва, 55
Дзе ваша любоў, ваша праца, ўвасабленне вашых памкненняў - там месца вашай паўсядзённай сустрэчы з Хрыстом. У кругавароце самых звычайных падзей, сярод самых зямных, матэрыяльных рэчаў мы павінны імкнуцца да святасці, служачы Богу і людзям. Размовы з Айцом Хосэмарыя Эскрыва, 113
У намеры пошуку працы
Госпадзе, накіруй мяне ў маім пошуку працы і блаславі мяне, дазволь мне знайсці сумленную, годную, стабільную працу і дапамажы мне ўбачыць у ёй шлях да святасці і служэння бліжнім, шлях, на якім заўсёды чакае мяне Айцец, заклікаючы ў любой сітуацыі быць падобным да Яго Сына, плотніка з Назарэта.
Малітва св. Хосэмарыі
О Божа, праз пасрэдніцтва Найсвяцейшай Дзевы Марыі, Ты адарыў незлічонымі ласкамі святога Хосэмарыю, святара, абраўшы яго вернай Сваёй прыладай для заснавання Opus Dei - шляху, які вядзе да святасці праз выкананне прафесійнага доўгу і паўсядзённых хрысціянскіх абавязкаў.
Дапамажы і мне перамяняць кожнае імгненне майго жыцця і кожную падзею ў любоў да Цябе і ў служэнне, у радасці і прастаце, Касцёлу, Папе і ўсім душам, асвятляючы шляхі зямныя, святлом веры і любові.
Праз заступніцтва святога Хосэмарыю прымі маю пакорную малітву. Амэн.
Ойча наш ... Вітай, Марыя ... Хвала Айцу ...
Дзень другі. Праца, выкананая з любові да Бога
Словы св. Хосэмарыі:
Не трэба забываць, што годнасць працы заснавана на Любові. Вялікая вартасць чалавека засноўваецца на тым, што ён можа любіць і так выходзіць па-за межы часовасці. Хрыстос праходзіць побач, 48
Рабіце ўсё паводле Любові. - Тады не будзе дробязяў, усё стане вялікім. Шлях, 813
У намеры пошуку працы
Госпадзе, з ласкі Тваёй дазволь мне знайсці працу хутка, каб я мог забяспечваць маю сям'ю. Дапамажы мне зразумець, што каштоўнасць любой сумленнай працы - у любові, з якой мы яе выконваем, перш за ўсё, любові да Бога, якому я ахвярую маю працу, і любові да блізкіх, якім я хачу служыць і быць карысным.
Малітва св. Хосэмарыі
Праз заступніцтва святога Хосэмарыю прымі маю пакорную малітву. Амэн.
Ойча наш ... Вітай, Марыя ... Хвала Айцу ...
Дзень трэці. Настойлівасць і парадак у працы
Словы св. Хосэмарыі:
Які кароткі наш зямны шлях! Гэтыя словы гучаць у сэрцы хрысціяніна, папрокам у недастатковай душэўнай шчодрасці і сталым заклікам да самааддачы. Бо нам прызначана так мала часу, каб любіць і ахвяраваць, каб пакутаваць за нашыя грахі. Таму мы паступаем неразумна, калі дрэнна ім распараджаемся, бяздумна пускаючы на вецер наш скарб. Мы не маем права марнаваць той час, які давераны Госпадам кожнаму з нас у гэтым свеце. Сябры Божыя, 39
Навядзі парадак у сваім жыцці - і час твой памножыцца, і ўславіш Бога больш, бо больш часу ты аддасі працы і служэнні Яму. Шлях, 80
Не здавайся, выконвай як мага дакладней цяперашнія абавязкі. Гэтая пакорная, аднастайная, чорная праца - малітва, увасобленая ў дзеяннях, - дапаможа табе здабыць ласку тых вялікіх, высокіх і глыбокіх спраў, пра якія ты марыш. Шлях, 825
У намеры пошуку працы
Прачыстая Дзева Марыя, дапамажы знайсці стабільную і прыдатную мне працу, а калі, з ласкі Божай, я прыступлю да працы, навучы мяне ставіцца да майго часу як да скарбу, ўдасканальваючыся ў цноце парадку, каб дакладней, больш старанна і больш настойліва выконваць мае абавязкі без маруджання і мітусні. Дапамажы мне дзейнічаць, прытрымліваючыся добра распрацаванага плана, каб надаць належную ўвагу кожнаму з маіх абавязкаў у духоўным, сямейным, прафесійным і грамадскім жыцці.
Малітва св. Хосэмарыі
Праз заступніцтва святога Хосэмарыю прымі маю пакорную малітву. Амэн.
Ойча наш ... Вітай, Марыя ... Хвала Айцу ...
Дзень чацвёрты. Добра выкананая работа
Словы св. Хосэмарыі:
Мы не маем права прапаноўваць Госпаду тое, што выканана небездакорна, без увагі да драбнюткіх дэталяў, без імкнення да дасканаласці - хаця б у межах нашых абмежаваных чалавечых магчымасцяў. Перад Богам хітрыць бессэнсоўна. Святое Пісанне перасцерагае: ніякой жывёлы, на якой ёсць загана, не прыносце; бо гэта не прынясе вам ўпадабання [Свят. 22, 20]. Таму і наша ахвяра Госпаду, наша праца, якая патрабуе часу і сіл, павінна быць годнай Яго - operatio Dei, працай Бога і для Бога, працай завершанай, выкананай бездакорна. Сябры Божыя, 55
Перш за ўсё - мы павінны палюбіць Боскую Літургію, зрабіць яе цэнтрам кожнага дня. Пабожна і ўважліва ўдзельнічаючы ў Літургіі - ці магчыма не застацца затопленым у Госпадзе на працягу ўсяго дня, каб у Яго прысутнасці працаваць, як Ён працаваў, і любіць так, як Ён любіў? Хрыстос праходзіць побач, 154
У намеры пошуку працы
Найсвяцейшая Багародзіца, сваім заступніцтвам не дазволь, каб мой пошук працы зацягнуўся. Госпадзе, калі я прыступлю да працы, дапамажы мне працаваць як мага больш бездакорна. Ніколі не дазваляй мне працаваць нядбайна, але дапамажы зразумець, што невыкананая належным чынам праца не можа быць асвечана па прычыне недахопу любові, адзінай, здольнай ператварыць любую чалавечую дзейнасць у прыемную Богу.
Малітва св. Хосэмарыі
Праз заступніцтва святога Хосэмарыю прымі маю пакорную малітву. Амэн.
Ойча наш ... Вітай, Марыя ... Хвала Айцу ...
Дзень пяты. Любая сумленная праца з'яўляецца годнай
Словы св. Хосэмарыі:
Надыйшоў час, нам, хрысціянам, заявіць на ўвесь голас, што праца - гэта дар Божы, што бессэнсоўна дзяліць людзей на катэгорыі па роду заняткаў, лічачы адны прафесіі лепшымі ад іншых. Праца - любая праца - сведчыць аб годнасці чалавека, аб яго ўладзе над стварэннем. Хрыстос праходзіць побач, 47
Перад Богам ніякая праца сама па сабе - не малая і не вялікая. Усякая справа набывае цану Любові, з якой яе выконваюць. Разора, 487
Галоўнае - старанна працуй, падстаўляй плячо ... Прафесійныя справы - на належнае месца! Яны - толькі сродкі, якія дапамагаюць дасягнуць мэты. Ніколі не лічы іх самадастатковымі. Разора, 502
У намеры пошуку працы
Госпадзе, з ласкі Тваёй памажы мне знайсці працу, якая патрабавала б прымянення ўсіх маіх прафесійных ведаў і навыкаў і, у той жа час, спрыяла майму далейшаму прафесійнаму развіццю. Але калі праца апынецца ніжэй майго прафесійнага ўзроўню, дапамажы мне не пагарджаць ёю, а працягваючы шукаць больш адпаведнае месца працы, працаваць гэтак жа адказна, як Езус у Назарэце.
Малітва св. Хосэмарыі
Праз заступніцтва святога Хосэмарыю прымі маю пакорную малітву. Амэн.
Ойча наш ... Вітай, Марыя ... Хвала Айцу ...
Дзень шосты. Праца, выкананая ў прысутнасці Бога з чыстымі намерамі
Словы св. Хосэмарыі:
Укрыжаванне. - Добра было б табе, хрысціяніну, заўсёды мець малы крыж пры сабе. Класці на свой стол. Цалаваць перад сном і раніцай. Шлях, 302
Хай на тваім стале, у тваім пакоі, у тваёй торбе будзе вобраз Божай Маці. Глядзі на яго, калі пачынаеш працаваць, калі працуеш, калі скончыў. Не сумнявайся, Яна дасць табе сілу, якая зменіць тваю працу ў асабісты дыялог з Богам. Разора, 531
У намеры пошуку працы
Госпадзе, дапамажы мне знайсці сумленную і годную працу і адкрый позірк душы маёй бачыць, што Ты заўсёды са мной. Дапамажы мне, не жадаючаму страціць адчуванне гэтай цудоўнай рэальнасці, у маім імкненні заставацца ў Тваёй прысутнасці, выкарыстоўваючы як маўклівы напамін невялікае распяцце, вобраз Марыі ці ўлюбёнага святога, размешчанага так, каб я мог часта звяртаць да іх свой позірк, не прыцягваючы залішняй увагі.
Малітва св. Хосэмарыі
Праз заступніцтва святога Хосэмарыю прымі маю пакорную малітву. Амэн.
Ойча наш ... Вітай, Марыя ... Хвала Айцу ...
Дзень сёмы. Узрастанне ў цнотах у працы
Словы св. Хосэмарыі:
Усё, у чым ўдзельнічаем мы, бедныя людзі, - нават святасць, - сатканая з дробязяў. А ўжо яны, гледзячы па чысціні намераў, могуць скласціся ў дыван подзвігу - і ў дыван нізасці. У ўзор цнотаў - ці грахоў. Шлях, 826
Гэта перапляценне цнотаў прыводзіцца ў дзеянне, калі мы выконваем сваю працу з жаданнем асвяціць яе: моц, якую мы праяўляем, пераадольваючы натуральныя цяжкасці. Настойлівасць у працы, якая ратуе ад засмучэння. Самавалоданне - каб аддаваць сябе без рэшты, не паддаючыся выклікам эгаізму і схільнасцям да камфорту. Справядлівасць - каб выканаць да канца свой абавязак перад Богам, грамадствам, сям'ёй, калегамі. Разважлівасць - каб ведаць у кожным выпадку, што і калі рабіць, не губляючы дарма часу. І ўсё гэта толькі з Любові - з жывой і непасрэднай за вынік нашай працы і яе апостальскага значэння. Сябры Божыя, 72
Кожная прафесійная праца патрабуе навучання, а потым - сталых намаганняў, каб адпавядаць новым абставінам. Размовы з Айцом Хосэмарыя Эскры-ва, 90
У намеры пошуку працы
Найсвяцейшая Багародзіца, дапамажы мне знайсці працу, якую я шукаю. Госпадзе, дапамажы мне, цалкам аддаючыся новай працы, з яе дапамогай развіваць у сабе хрысціянскія цноты і ўзрастаць духоўна. Дапамажы мне быць цярплівым і чулым да маіх кіраўнікоў, калегаў і падначаленых. Навучы мяне быць простым і сціплым, пазбягаць ганарыстасці і самалюбавання. Навучы мяне рабіць усё з чыстымі намерамі.
Малітва св. Хосэмарыі
Праз заступніцтва святога Хосэмарыю прымі маю пакорную малітву. Амэн.
Ойча наш ... Вітай, Марыя ... Хвала Айцу ...
Дзень восьмы. Праца, як служэнне і дапамога бліжнім
Словы св. Хосэмарыі:
Ваша праца, да якой вы падыйшлі з усёй адказнасцю, не толькі падтрымлівае вас матэрыяльна, але і спрыяе развіццю грамадства. Яна палягчае ношу іншых і падтрымлівае мноства розных намаганняў у мясцовым і сусветным маштабе, скіраваная на карысць як асобных людзей, так і бедных народаў, якія чакаюць дапамогі ад сваіх субратоў. Сябры Божыя, 120
Скончыўшы сваю працу, вазьміся за чужую, дапамажы твайму брату дзеля Хрыста - ды так незаўважна, так далікатна і проста, каб ён нават не заўважыў, што ты робіш больш, чым патрэбна. Вось гэта сапраўдная чуласць, годная Божага Сына! Шлях, 440
У намеры пошуку працы
Госпадзе, з ласкі тваёй, даручы мне працу, якую шукаю з верай. Укладзі ў душу маю імкненне пераўтварыць маю працу з дзейнасці, засяроджанай на задавальненні маіх асабістых мэтаў у адкрытае і карыснае для многіх служэнне, якое выконваецца ва ўпэўненасці, што яно прыўнясе новы, вышэйшы сэнс і новую радасць у маім жыцці.
Малітва св. Хосэмарыі
Праз заступніцтва святога Хосэмарыю прымі маю пакорную малітву. Амэн.
Ойча наш ... Вітай, Марыя ... Хвала Айцу ...
Дзень дзявяты. Праца, як апостальскае служэнне
Словы св. Хосэмарыі:
Прафесійная праца становіцца таксама і апостальскім служэннем, падставай для аддачы сябе іншым, каб аб'явіць ім Хрыста і прывесці да Айца. Хрыстос праходзіць побач, 49
Хто сказаў, што для абвяшчэння Хрыста, для распаўсюджвання Яго вучэння трэба рабіць нешта незвычайнае, мудрагелістае? Жыві сваім звычайным жыццём, працуй там, дзе ты працуеш, добрасумленна даводзячы да канца сваю працу, ўдасканальваючыся ў сваіх занятках, ўзрастаючы, з кожным днём становячыся ўсё лепшым. Будзь адданым, стаўся з разуменнем да іншых, а да сябе самога - з патрабавальнасцю. Будзь вясёлым і ўмярцвяй сваё цела. З гэтага будзе складацца тваё апостальскае служэнне. Ты будзеш здзіўлены тым, што, нягледзячы на сваю нікчэмнасць, бліжнія прыйдуць да цябе. У немудрагелістай-прастадушнай размове пасля працоўнага дня, у коле сям'і, у аўтобусе, на шпацыры, яны захочуць пагаварыць аб тых трывогах, якія ёсць у душы ў кожнага - хоць некаторыя і не жадалі б у гэтым прызнацца. Усе яны лепш зразумеюць прычыны сваіх турбот, калі сапраўды пачнуць шукаць Бога. Сябры Божыя, 273
У намеры пошуку працы
Госпадзе, праз заступніцтва Прачыстай Панны Марыі, дапамажы мне знайсці такую працу, дзе я змагу найлепшым чынам праявіць свае здольнасці і працягнуць развівацца прафесійна. Дапамажы мне знайсці ў маёй працы шырокае поле для апостальства, даручанага Богам усім ахрышчаным, карыстаючыся дадзенай Табой магчымасцю дапамагаць маім калегам, сябрам і кліентам адкрыць цуд хрысціянскай веры.
Малітва св. Хосэмарыі
Праз заступніцтва святога Хосэмарыю прымі маю пакорную малітву. Амэн.
Ойча наш ... Вітай, Марыя ... Хвала Айцу ...