31 мая 1996 г. біскуп Х. Бомэрс з дыяцэзіі Гарлем-Амстэрдам і яго дапаможны біскуп І. М. Пюнт у паразуменні з Кангрэгацыяй Навукі Веры вырашылі выдаць афіцыйны дазвол аддаваць пашану Марыі, пад тытулам "Уладарка ўсіх народаў".
Пад такой назвай аб’явілася Марыя ў Амстэрдаме ў 1945-1959, тлумачачы простай жанчыне Ідзіі Пээрдэман, што прагне быць вядомай і шанаванай усімі людзьмі, як “Уладарка ўсіх народаў” або “Маці ўсіх народаў”.
Ва ўражлівых візіях прарочых прадставіла сучаснае становішча Касцёла і свету. У змесце сваіх аб’яўленняў Марыя паказала план, праз які Бог прагне ўратаваць свет з дапамогай сваёй Маці. Для гэтага Марыя дае ўсім людзям малітву і выяву.
Выява прадстаўляе Уладарку ўсіх народаў, якая стаіць на зямным шары, прасякнутая Боскім святлом. Марыя стаіць пад крыжам свайго Сына Адкупіцеля, з якім неразрыўна злучана. З далоняў Марыі выходзяць тры промені: Ласкі, Збаўлення і Супакою, якімі будуць надзеленыя тыя, хто звернецца да Яе, як да сваёй Заступніцы.
Стада авечак прадстаўляе народы ўсяго свету, якія не зазнаюць супакою і міру, пакуль не паглядзяць на Крыж, як на цэнтр сусвету.
Уладарка ўсіх народаў перадала кароткую эфектыўную малітву, каб захаваць нас перад злом надыходзячых катастроф і воен.
"Народы сучаснасці ведайце, што з’яўляецеся пад апекай Уладаркі ўсіх народаў. Звяртайцеся да Мяне як да Заступніцы, прасіце Мяне аб адхіленні розных катастрофаў. Прасіце Мяне аб адхіленні ўсялякага ўпадку гэтага свету. З упадку нараджаюцца войны. Прасіце праз Маю малітву аб адхіленні ўсялякага зла ў свеце. Вы нават не ўсведамляеце сабе, якую вялікую моц і значэнне мае гэтая малітва ў Бога ( 31.05.1955)".
Марыя просіць маліцца гэтай малітвай прынамсі раз на дзень. “Даю табе абяцанне, што свет зменіцца” (29.04.1951).
Як Маці ўсіх народаў яна пасланая праз Айца і Сына, каб прынесці еднасць і супакой усяму свету, “каб пад гэтым тытулам і праз гэтую малітву магла ўратаваць свет ад вялікай сусветнай катастрофы” (10.05.1953).
Таму Ўладарка ўсіх народаў з клопатам звяртаецца да ўсіх, каб распаўсюджваць гэтую малітву і выяву. Дапамыжыце вашымі сродкамі і клапаціцеся аб распаўсюджванні, кожны на свой спосаб ( 15.06.1952).
Уладарка ўсіх народаў,
Госпадзе Езусе Хрысце,
Сыне Айца,
Спашлі зараз Духа Твайго на зямлю.
Учыні каб Святы Дух пасяліўся ў сэрцах усіх народаў
і аберагаў іх ад упадку, катастрофы і войнаў.
Няхай Уладарка ўсіх народаў,
Святая Панна Марыя,
станецца нашай Застуніцай.
Амэн.
Паводле The lady of all Nations