Ці можна кантактаваць з памерлымі сваякамі?
Яшчэ ў Старым Запавеце мы маем вельмі выразную забарону любых кантактаў з памерлымі. Яны знаходзяцца або ў Раю, або ў Чысцу, або ў пекле. З тымі, хто ў пекле, немагчымая абсалютна ніякая камунікацыя, і калі хтосьці кажа аб феноменах адносін з тымі, хто ў пекле, то гаворка ідзе пра падман псіхікі, або пра падман д'ябла.
Тыя, хто знаходзяцца ў Чысцу, могуць з дазволу Бога мець адносіны са сваімі блізкімі, але толькі для таго, каб прасіць у іх малітву або пачуць просьбу аб памінальных набажэнствах.
Тыя ж, хто атрымлівае асалоду ад вечнага шчасця ў Раі, таксама не могуць кантактаваць з намі, за выключэннем некаторых выпадкаў, устаноўленых Богам. Тады мы маем справу з аб’яўленнем святых. Кантакты з нашымі памерлымі могуць рэалізавацца толькі ў малітвах, здзяйсненні літургій, міласціны, што падаюць за памерлага. Нярэдка здараецца, што Бог з дапамогай якой-небудзь асобай ласкі паказвае нам, што нашыя малітвы былі Яму ўгоднымі і прынеслі карысць душы, пра якую мы клапоцімся.
Абсалютна непрымальныя ніякія практыкі, звязаныя з усталяваннем "кантактаў" з памерлымі сваякамі. У выніку гэтых практык усталёўваюцца кантакты з дэманамі, рабом якіх можа стаць чалавек. Калі хто-небудзь калі-небудзь практыкаваў кантакты з памерлымі, не можа прыступаць да Святой Камуніі, папярэдне не пакаяўшыся на споведзі з граху.
Паводле Credo