Расповеды пра цырограф, які у вузкім значэнні называюць дагаворам паміж д’яблам і чалавекам, часта сустракаюцца ў шматлікіх легендах. Напэўна, кожны з нас чуў пра Нікола Паганіні, таленавітага скрыпача, які “прадаў душу д’яблу” наўзамен поспеху і хвале ў музыцы. Або пра доктара Фауста, які “прадаў сваю душу Мефістофелю” за мірскія прыемнасці.
У Бібліі жа, дзе неаднаразова ўзгадваецца хітрасць і моц д’ябла, няма прыкладаў асобы, якая б заключыла пакт з д’яблам. Але на жаль, гэта не адмаўляе таго факту, што цырографы не толькі існуюць, але і з’яўляюцца дастаткова распаўсюджанай з’явай. Вядомы польскі экзарцыст кс. Пётр Маркелёўскі сцвярджае, што “не з’яўляецца істотным факт, падпісан цырограф на паперы ці не. Ён можа мець розныя формы: СМС-паведамленне ў мабільным тэлефоне, тэкст, захаваны на кампутары, кампутарная гульня, сказаныя ўголас словы або проста думка, з якой чалавек у сваёй галаве звяртаецца да злога духа з просьбай пра што-небудзь”.
Са слоў экзарцыста, 99% асоб, якія заключалі цырографы, ў наступстве падвяргаюцца апантанасці. Маючы за плячыма практыку работы з асобамі, якія звярталіся з просьбамі да д’ябла, кс. Маркелёўскі ўзгадвае, што найбольш распаўсюджанымі прычынамі такога ўчынку з’яўляюцца жаданне пазнаць нейкую таямніцу або атрымаць надзвычайныя здольнасці, мець добрыя адзнакі ў школе ці ва ўніверсітэце, прагненне большай прываблівасці, жаданне нанесці камусьці шкоду або наадварот, пазбавіць кагосьці ад цяжара праблем, сямейныя клопаты, адзінота, нянавісць да Бога і нават звычайная цікавасць.
Некаторыя з гэтых прычын здаюцца быць смяхотнымі і магчыма прымушаюць чалавека на ўзроўні забавы ўспрымаць заключэнне дагавору з д’яблам. Але нават сімвалічна, у форме забавы, адданасць сатане з’яўляецца небяспечнай – нездарма спакушаючы Езуса ў пустыні сатана патрабаваў ад Яго “толькі” паклону, іншымі словамі, выключна сімвалічнага акту.
Сатана не замарудзіць і з выкананнем сімвалічнага пакту. Дагавор з ім наогул дае неадкладную рэакцыю. Толькі вось д’яблу зуісм не залежыць на нашым шчасці і збаўленні. Ён не ведае, што значыць клапаціцца пра чалавека, яго хвалюе толькі ўласная выгада, таму і наступствы цырографа для чалавека ў канцы скончваюцца згубай. Дзеянні сатаны ў гэтай схеме добра супрацьпастаўляюцца дзеянням Госпада, які, як нам часам здаецца, зацягвае з выкананнем нашых просьбаў, але насамрэч выбірае найбольш адпаведны час і найлепшыя абставіны для адказаў на малітвы.
Ангеліна Марцішэўская,
Падрыхтавана на аснове артыкула кс. Пятра Маркелёўскага "Мода на цырографы"