Многія людзі, якія ўзялі крэдыт на тавары і паслугі, засталіся больш-менш задаволенымі гэтым фінансавым прадуктам. Але ў многіх, вельмі многіх людзей, якія ўзялі крэдыт, жыццё змянілася ў горшы бок. Пра якія глабальныя рэчы трэба паразважаць перад крэдытаваннем, каб не патрапіць у другую катэгорыю пазычальнікаў? Якія прычыны вартыя таго, каб адмовіцца ад ідэі пазыкі грошай у банку? 

Прычына першая: адсутнасць рэзерваў

Неабходнасць рэзерву тлумачыцца проста: вы можаце патрапіць у аварыю, сур'ёзна захварэць, згубіць працу і некалькі месяцаў не знайсці іншую, нечакана быць вымушаным патраціць вялікія сродкі на складаныя сітуацыі блізкіх людзей. Усё гэта рэзка або да нуля паменшыць вашыя даходы на некаторы час.

А ў выпадку крэдыту вы фінансава пацерпіце двойчы: спачатку недаатрымаеце зарплату, потым банк накладзе на вас буйныя штрафы за пратэрмінаваныя выплаты. Страхаванне ў такіх выпадках дапамагае мала. Так што ўступаць у крэдытны бой з лёсам без надзейнага фінансавага тылу - значыць ваяваць з небаяздольным войскам.

Проста рызыкоўна, на думку экспертаў, браць крэдыт, калі вы не маеце свабодных наяўных зберажэнняў у памеры сваіх трох месячных заробкаў (а калі пачатковы ўзнос не нулявы, рэзерв трэба мець акрамя ўзносу). Калі ж сума крэдыту перавышае ваш гадавы аклад, не варта крэдытавацца без наяўнасці, акрамя авансу, ужо шасці месячных акладаў - зноў жа, у вольным доступе, не ў дэпазіце і не ў абароце. 

Прычына другая: непрадказальнасць ставак і курсаў 

Ніякі рэзерв не дапаможа, калі фінансавыя ўстановы павысяць стаўку па вашаму крэдыту. Нават калі парламент забараніў банкам гэта рабіць наўпрост - усё роўна застаюцца розныя шчыліны: напрыклад, прывязка ставак і камісій да плаваючага курсу LIBOR. Так і страхавым кампаніям пакуль не забаронена падвышаць цэны, нават калі вы аплочваеце страхаванне аднаго і таго ж аб'екта штомесяц або штогод. Пад выглядам страховак часам хаваюцца немалыя працэнты па крэдыце. Чым даўжэшы тэрмін вашага крэдыту, тым большая верагоднасць нечакана атрымаць павялічаныя выплаты. 

Акрамя таго, часам рэзка змяняюцца валютныя курсы, ці хаця б абазначаюцца буйныя сацыяльныя рызыкі - і пачынаюць расці спажывецкія кошты. Тады, знаходзячыся ў крэдыце, вы ізноў прайграяце двойчы. Спачатку губляеце ў зарплаце або яе пакупніцкай здольнасці, а банк адначасова яшчэ і прымудраецца браць з вас больш грошай за крэдыт.

Прычына трэцяя: недыверсіфіцыраванныя даходы 

Верагоднасць у бліжэйшыя гады форс-мажорных абставінаў, якія могуць ударыць па вашай плацёжаздольнасці. З прычыны гэтага не варта браць крэдыт таму, хто мае адзіную крыніцу даходу. А таксама тым, хто здольны займацца толькі адным відам прафесійнай дзейнасці. Для крэдыту цяпер неабходна мець мінімум две крыніцы прыбытку, ідучых ў вашу кішэню. Дыверсіфікацыя - наогул адна з асноў фінансавай бяспекі, ігнараваць якую ў крызісе не варта.

Прычына чацвёртая: псеўдавыгады 

Крэдыт прыносіць вам неадкладныя выдаткі не толькі па самым крэдыце, але і па набытаму тавару. Многія рэчы хоць і даюць камфорт, але прыносяць з сабой расходы на абслугоўванне, пра якія загадзя не падумалі пазычальнікі. 

Прычына пятая: стрэсавая

Дапусцім, на вашу думку, тэрміновае набыццё элемента камфорту ўсё-ж такі варта вялікай часткі вашага бюджэту. Тады ўспомніце аб такой праблеме, як хваравітае адчуванне несвабоды, прыгнечанасці, што спасцігае небагатага чалавека, звязанага крэдытнымі дамоўнымі абавязаннямі. 

Нарэшце, ці не варта паспрабаваць тую ж суму, якую склалі б выплаты банку за аўто, кожны месяц акуратна адкладаць на працягу таго ж тэрміну (заўважце, без усялякіх штрафных санкцый у выпадку чаго). І потым купіць машыну праз некалькі гадоў «за свае» - атрымаўшы разам з аўтамабілем яшчэ і немалыя грошы, заашчаджаныя на працэнтах. А галоўнае - зберагаючы здаровую псіхіку. 

Прычына шостая: палітэканамічная 

У крэдытаванні ёсць сэнс, калі пазыковыя грошы ідуць на актывы, якія прыносяць даходы (абсталяванне, тавар для гандлю і г.д.). Толькі калі гэтыя даходы ў бліжэйшай будучыні могуць акупіць усе выплаты і пачаць прыносіць чысты прыбытак. 

Аднак калі даходнасць крэдытуемага аб'екта невысокая, а тым больш, калі крэдытавацца пад фактычна стратныя тавары і паслугі для саміх сябе - то спрацоўвае наступная, сёмая прычына. 

Прычына сёмая: філасоўская 

Жыць у доўг няправільна. Апраўданне, маўляў, усе так робяць - няслушнае. Калі спецыяльна не заглушаць сваё сумленне, яно само падкажа, што ў крэдыце на тавары і паслугі ёсць шмат сумніўнага. Напружвае нават не стрэсавая (апісаная вышэй), а ўжо сама ідэя жыцця за чужы кошт. 

Калі вы ўпэўненыя, што вашыя даходы маюць ўстойлівую тэндэнцыю да пастаяннага росту і яшчэ больш ўпэўненыя, што рызыка зваротнай тэндэнцыі мінімальная - тады яшчэ ёсць падстава падумаць пра крэдыт (так бы мовіць, «ф'ючэрсны» разлік на ўласны будучы рост). А ў вас ёсць такая ўпэўненасць і такая тэндэнцыя?

 Паводле prostobank.ua