Як паступіць, калі хочаш прыняць удзел у нядзельнай св. Імшы, але з-за хваробы (напрыклад, прастуды) баішся заразіць каго-небудзь з прысутных у святыні? Марыя Жамойда

Адказ на згаданае пытанне дае Катэхізіс Каталіцкага Касцёла.

“Святкаванне нядзелі з’яўляецца выкананнем маральнага правіла, якое натуральным спосабам упісана ў сэрца чалавека…” (ККК 2176).

“Вернікі абавязаныя ўдзельнічаць у св. Імшы ў нядзелі і святочныя дні. Аднак існуюць выключэнні па важных прычынах – напрыклад, хвароба” (KKK 2181).

Няма граху, калі хворы не прымае ўдзел у Эўхарыстыі. У той самы час ён можа паступаць нягодна, калі не дбае пра сваё здароўе і самаадчуванне іншых вернікаў, прыходзячы ў касцёл з прастудай.

З пашанай, кс. Яўген Ціхан