Гродна, 12.11.2010
Вялебным Пробашчам
Адміністратарам Гродзенскай дыяцэзіі
Камюніке аб малітве за ахвяры аварый на дарозе
Інфармірую, што 21 лістапада, згодна з пастановай ААН (Арганізацыі Аб'яднаных Нацый), пяты раз пройдзе Сусветны дзень памяці ахвяраў аварый на дарозе. Ён устаноўлены з мэтай пазбегнуць аварый і заклікаць да асцярожнасці ўсіх удзельнікаў дарожнага руху.
У сувязі з гэтым і па пісьмовай просьбе Міністэрства Унутраных Спраў Рэспублікі Беларусь заахвочваю прыняць удзел у гэтай сусветнай акцыі Памяці ўсіх ахвяраў.
Належыць 21 лістапада разам з вернікамі сваіх парафій падчас нядзельных св. Імшаў ва ўсеагульнай малітве аддаць усе ахвяры дарожнага руху пад апеку Божай Міласэрнасці і маліцца за бяспеку руху на нашых дарогах.
З пастырскім благаславеннем
Аляксандр Кашкевіч Біскуп Гродзенскі
