Skip to main content
sapka

Запрашэнне біскупа Аляксандра Кашкевіча на юбілейную ўрачыстасць Мітрапаліта Тадэвуша Кандрусевіча, якая адбудзецца ў гродзенскай катэдры

Шаноўныя вернікі парафій горада Гродна! 

Запрашаю ўсіх Вас 9 лістапада ў нядзелю на Св. Імшу а 12.00 г. каб злажыць падзяку за 25 год біскупскай паслугі Кс. Арцыбіскупа Тадэвуша Кандрусевіча, нашага метрапаліты. Св. Імшу ўзначаліць паважаны Юбіляр, наш Зямляк, які ў цяжкія часы зменаў і адраджэнння для каталіцкага касцёла на Беларусі распачаў у Гродне сваю біскупскую паслугу.

Прашу Шаноўных Святароў, Паважаных Сясцёр і Вас наймілейшыя парафіяне далучыцца да супольнай малітвы ў інтэнцыях Кс. Арцыбіскупа Тадэвуша, Ганаровага Юбіляра, Сына нашай Гродзенскай зямлі… 

На перажыванне прыбліжаючай урачыстасці ў Гродзенскай Катэдры ад усяго сэрца благаслаўляю

 

Аляксандр Кашкевіч 

біскуп Гродзенскі

 

Да Пробашчаў і Адміністратараў г. Гродна: 

Прашу прачытаць нашае запрашнне ва ўсіх Касцёлах г. Гродна падчас парафіяльных аб’яваў, а таксама накіраваць з кожнай парафіі на ўрачыстасць аднаго святара.

 

 

Рэдагавана: 14 Лютага 2017