На "Кніжнай паліцы" ад Вольгі Парады вы зможаце знайсці рэцэнзіі на працы выдатных свецкіх і хрысціянскіх псіхолагаў. Рубрыка дзейнічае ў рамках блогу сямейнага кансультанта "Хрысціянскае выхаванне". 

Ірына Млодзік стварыла "Кнігу для неідэальных бацькоў, або Жыццё на вольную тэму" ў лёгкай і цікавай форме. У ёй апісаны досвед працы практыкуючага псіхолага з дарослымі і дзецьмі, чые жыццёвыя гісторыі і прыклады могуць дапамагчы кожнаму, хто хоча вырасціць шчаслівага чалавека, які творыць ўласны лёс. Тут вы не знойдзеце дакладных інструкцый, як выхоўваць сваё дзіця. Але абавязкова вынесеце што-небудзь карыснае.

Мне здаецца, асноўная ідэя кнігі - гэта дапамагчы бацькам зірнуць на сябе з боку, вярнуцца ў дзяцінства і разабрацца ў сваіх сапраўдных адносінах з уласным дзіцём. Цытую: "Для таго, каб «выхаваць» добрага чалавек, трэба самому быць добрым, каб шчаслівага - самому быць шчаслівым, паспяховага - паспяховым, і г.д." На ўсё гэта патрэбна, вядома, шмат часу і працы, але галоўнае - жаданне змяніць сваё жыццё.

У працы вы пазнаёміцеся з разважаннямі аўтара на тэмы:

- трывожнасць бацькоў і спосабы спраўляцца з раздражняльнасцю;

- "можна" ці "нельга" крычаць на дзяцей;

- як ставіцца да меркавання чужых людзей у адносінах да свайго дзіцяці;

- як "правільна" забараняць штосьці дзіцяці;

- як хваліць дзіця;

- дзіцячыя пачуцці і жаданні;

- асаблівасці ўзроставых этапаў развіцця малога і шмат іншага.

Больш інфармацыі пра кнігі, з якімі варта пазнаёміцца, знойдзеце тут. 

Падрыхтавала Вольга Парада