Новую рубрыку "Хрысціянскае выхаванне" распачынаем парадамі ад самай вядомай у свеце манахіні - Маці Тэрэзы.

• Будзьце ўважлівыя да таго, што вы ім кажаце. Дарослыя недастаткова кантралююць свае выказванні, калі размаўляюць з дзецьмі. Некаторыя, звяртаючыся да дзіцяці, называюць яго гультаём, дурнем, бездарам. Гэтым дарослыя - бацькі - часта губяць дзяцей. Дзеці, паддаючыся намовам, праз некаторы час сапраўды становяцца гультаяватымі і няздольнымі.

• Не трэба палохаць дзяцей пачварамі, ваўкамі, ці міліцыяй. Гэта не зробіць іх ані разумнейшымі, ані больш добрымі.

• Выхоўвайце дзяцей, падаючы ім бездакорны прыклад. Дзеці не любяць навучанняў і натацый, яны хочуць бачыць вашыя ўчынкі, а не слухаць вашыя словы.

• Пры любых абставінах старайцеся быць на вышыні ў вачах сваіх дзяцей. Не выстаўляйце напаказ свае слабасці і недахопы. Калі бацькі дазваляюць дзецям бачыць іх слабасці, дзеці хвалююцца, губляюць арыентацыю, так як ім не на каго больш спадзявацца.

• Дзіця, якое адчувае сябе маленькім і слабым, хоча мець над сабою няўхільны аўтарытэт, які абараняе яго. Дзіця шукае ў бацькоў фізічнай і псіхалагічнай падтрымкі. Калі дома дзіця з'яўляецца сведкам сварак, спрэчак паміж бацькамі, бачыць хлусню і несумленнасць, то як могуць бацькі спадзявацца, што ў іх атрымаецца добра выхаваць яго. Калі дзіця бачыць, што яго бацька, або маці паводзяць сябе няправільна, ён адчувае сябе страчаным і бунтуе. Гэта прычына многіх трагедый ў сям'і і грамадстве.

• Ніколі не карайце дзіця, калі вы злуецеся. Вы пакінеце ў яго памяці ўражанне нянавісці, злосці, а не справядлівасці. А для гэтага выхавання дзіця павінна адчуваць, што вы справядлівыя і таму маеце рацыю, караючы яго.

• Вось чаму, калі ўжо вам і прыходзіцца пакараць дзіця, ваш погляд не павінен выказваць ані злосці, ані варожасці, бо ваша дзіця ніколі не забудзе ваш погляд, поўны нянавісці і гневу. Ваша пакаранне павінна быць прадыктаванае не тым, што ў вас "лопнула цярпенне", а жаданнем даць зразумець дзіцяці, што для яго выгоды існуюць правілы, якія трэба выконваць.

• Дзеці павінны бязмежна давяраць сваім бацькам і падпарадкоўвацца ім. Гэта адно з асноўных правілаў выхавання дзяцей у дружнай і кахаючай сям'і. Так паводзіў сябе Езус у Назарэце, трыццаць гадоў падпарадкоўваючыся Сваім бацькам. Трыццаць гадоў Ён рабіў толькі "тое, што Яму казалі".

Паводле навукі Маці Тэрэзы

Падрыхтавала Вольга Парада