Кананізацыя благаслаўлёнага Яна Паўла ІІ адбылася ўчора. Няхай нас суправаджае радасць і ўсмешка, якія былі неадлучнай часткай пантыфікату Святога Айца.
- Ад пэўнага часу станам здароўя Яна Паўла ІІ пачалі цікавіцца медыя. Кожная плётка там знаходзілася. Папа, у сваю чаргу, калі яго пыталі пра здароўе, адказваў: “Не ведаю, я яшчэ не паспеў прачытаць ранішняй прэсы”.
Крыніца: www.polskieradio.pl
- Адзін з ватыканскіх пралатаў хацеў навучыцца польскай мовы. Навука ж была такая хуткая, што, калі ён хацеў пахваліцца новымі ўменнямі перад Святым Айцом, штосьці наблытаў і замест: “Як сябе пачувае папа”, сказаў: “Як сябе пачувае сабачка?”.
- Папа паглядзеў на яго ашаломлены, пасля чаго адказаў: “Гаў гаў”.
Крыніца: www.ireneuszpolec.net
- Падчас візіту ў адну з рымскіх парафій папа – маючы такі звычай – разпачаў размову з дзецьмі:
- - Вы маладыя, а я ўжо стары, - сказаў Святы Айцец.
- - Не, ты не стары! - голасна запратэставалі дзеці.
- - Так, але калі я з вамі, то я дзецінею, - рэплікаваў папа.
Крыніца: polki.pl
- - Падчас першай паездкі ў ЗША папа спаткаўся з сям’ёй прэзідэнта Джыммі Картэра. Пяцігадовая, тады, унучка прэзідэнта, маючы праблемы з вымаўленнем прывітання, паўтарала ўвесь час:
- - Яго Святасць, Яго Святасць.
- Папа, бачучы гэта, хацеў дапамагчы дзяўчынцы, узяў яе на рукі і сказаў:
- - Кажы на мяне "дзядзечка".
Крыніца: plejada.onet.pl
- Яцэк Москва, ватыканскі карэспандэнт Публічнага Тэлебачання, ўспамінае: “Некалькі гадоў таму пасля малітвы “Анёл Панскі ” Ян Павел ІІ прамаўляў, амаль крычучы. Адразу потым, падчас аудыенцыі ў апостальскім Палацы, Яцэк Москва папрасіў папу, каб ён дбаў аб сабе, бо яго ахрыпласць занепакоіла журналістаў:
- - Гэта праз злосць, - апраўдваўся папа.
- - А злосць прыгажосці шкодзіць, - дадаў адыходзячы.
Крыніца: odkrywamswiat1.blogspot.com
- Падчас прывітання ў Манахіум папа запытаўся ў мноства дзяцей, якія там прысутнічалі:
- - Далі вам сёння выходны ў школе?
- - Так! - крыкнулі з радасцю дзеці.
- - Гэта значыць, што папа павінен часцей сюды прыязджаць.
Крыніца: www.ireneuszpolec.net
- Пад канец першай пілігрымкі на Радзіму, у чэрвені 1979 года, якую суправаджала спякота, папа сказаў, што яе першы эфект ужо відочны - загарэлі кардыналы, якія яго суправаджаюць.
Крыніца: polki.pl
- Папа быў вельмі незадаволены тым, што яго возяць у шкляной клетцы. Гэтую ідэю бараніла адна полька, маючы магчымасць размовы з Янам Паўлам 2 у Кракаве.
- - Гэтая клетка, аднак, памяншае рызыку, - тлумачыла яна
- - Што мы можам зрабіць, што так баімся за Вашую Святасць...
- - Я таксама, - усміхнуўся папа – непакоюся за сваю святасць.
Крыніца: www.ireneuszpolec.net
- У часе пілігрымкі Святога Айца на Радзіму, 22 чэрвеня 1983 года, адбылася бэатыфікацыя брата Альберта Хмялеўскага і айца Рафала Каліноўскага. Падчас цырымоніі ў кадзільніцы разгарэлася даволі вялікае полымя, з якім ніхто не мог справіцца. Урэшце папскі цырыманіял кс. Джон Мэгі з Ірландыі, дзьмухнуў так эфектыўна, што полымя згасла і з кадзільніцы пачаў выходзіць доўгачаканы дымок. Тады Святы Айцец, бяручы кадзідла, сказаў з пашанай аб сваім цырыманіяле: “Вось гэты мае дыханне!”.
Крыніца: klobuckfatima.cba.pl
- Адным вечарам, калі Святы Айцец быў у клініцы пасля замаху на плошчы св. Пятра, ён выйшаў са свайго пакою ў пусты калідор. Разгледзеўся і сказаў: “Прыгожа, усе сабе пайшлі, а мяне пакінулі!”.
Крыніца: www.ireneuszpolec.net
- Айцец Ян Анджэй Клачкоўскі, дамініканін, запытаў калісці папу, ці адбудзецца запланаванае ў юбілейным 2000 годзе спатканне прадстаўнікоў трох вялікіх рэлігій:
- - Ці на Гары Сінай з’явяцца хрысціяне, мусульмане і габрэі? – дапытваўся законнік.
- - Ты не вумнічай, ты маліся! – адказаў святы Айцец.
Крыніца: werka1612.blogspot.com
І на канец смешная графіка з facebook.com
Крыніца гісторый: www.trojca.neostrada.pl
Падрыхтавала Кацярына Паўлоўская