Пасля першага шоку і сінусаідальных эмоцый ўсё пачало вяртацца ў норму. Ужо пасля першага тыдня зразумела, што маё жыццё ніколі не будзе ўжо такім, якім яно было раней. Людзі, якіх я сустрэла на сваёй дарозе, моцна паўплывалі на мой светапогляд. Багатыя, бедныя, хворыя бяздомныя - асабліва бяздомныя. Здзіўляе тое, што большая колькасць гэтых людзей не маюць самых неабходных сродкаў для жыцця, а надалей адчуваюць сябе шчаслівымі… Яны радуюццца і ўсміхаюцца.
Першае нашае падарожжа ў Раджастан. 
Пасля вырашэння ўсіх неабходных фармальнасцяў на нашай вучэльні, разам з маімі сябрамі французамі вырашылі паехаць ў падарожжа па гарадам Раджастану: Джайпур, Пушкар і Джодхпур. Спачатку мы дабраліся да горада Нью Дэлі, у якім маглі арэндаваць бус, каб прадоўжыць нашае падарожжа. 
6 гадзін у дарозе і нас вітае Джайпур. Гарод славіцца 11-кіламетровай крэпасцю на ўзвышшы гары (індыйская мініацюра кітайскай сцяны). У горадзе, акрамя звычайных жыхароў, можна сустрэць сланоў і малпаў. Наш гід папярэдзіў нас, што малпы ў Індыі даволі небяспечныя, таму што ... яны крадуць усё, што могуць знайсці ў кішэнях. Вось такія малыя і хітрыя стварэнні. 
А якія прыгожыя краявіды адкрываюцца з крэпасці… Немагчыма апісаць словамі або перадаць з дапамогай здымкаў усё тое, што я бачыла сваімі вачыма... Проста запірае паветра ў грудзях. На наступны дзень мы паехалі ў Джодхпур - блакітны горад - тут усе дамы пафарбаваныя ў колер "Крышны". Вельмі прыемнае месца. 
Чарговы дзень і новы горад – Пушкар. Эх, гэтае падарожжа было для мяне сумным, таму што гэта была нядзеля, і, я, на жаль, не магла дабрацца да касцёла, а ўсё таму, што група людзей, з якімі я паехала, не хацела пачакаць мяне 1 гадзіну. Я знайшла касцёл, даведалася калі пачынаецца Св. Імша, дамовілася з кіроўцам рыкшы, які мог мяне адвезці, але ўсё адно гэта не дапамагло. 
На перадзе нас чакала дзесяцігадзінннае падарожжа. Калі мы дабраліся да апошняга пункту нашай праграмы, выбраліся на шпацыр. Прыгожы горад, акружаны з усіх бакоў узгоркамі, у сярэдзіне возера і індуісцкія храмы вакол. Выдатныя краявіды пры ўзыходзе і захадзе. У гэтым месцы, найбольш як да гэтай пары, я сустрэла замежных турыстаў.
На досвітку наступнага дня мы вырушылі ў зваротны шлях у наш студэнцкі кампус.
Падрыхтавала Юлія Шкуда