5 сакавіка біскуп Гродзенскі Уладзімір Гуляй цэлебраваў пахавальную Імшу ў інтэнцыі спачылай маці кс. Паўла Раманоўскага – Галіны Раманоўскай.
Ксёндз Павел з’яўляецца дэканам Ашмянскага дэканату і пробашчам парафіі Маці Божай Ружанцовай у Граўжышках.
Літургія цэлебравалася ў парафіі Маці Божай Ружанцовай у Солах (Смаргонскі дэканат). З мэтай падтрымаць у жалобе свайго сабрата і яго блізкіх прысутнічала шматлікае духавенства.
Біскуп выказаў спачуванні ксяндзу Паўлу, яго бацьку і іншым родным. Іерарх дадаў, што ў цяжкі час расстання з блізкім чалавекам спадарожнічае ім малітвай.
Прэс-служба Гродзенскай дыяцэзіі
