16 лістапада мы адзначаем урачыстасць Найсвяцейшай Панны Марыі Вастрабрамскай, Маці Міласэрнасці. У 1991 г., калі была паклікана да існавання Гродзенская дыяцэзія, Яна была абрана яе галоўнай Апякункай.
11 лістапада адзначаецца 25-годдзe ўсталявання дыпламатычных адносін паміж Апостальскай Сталіцай і Беларуссю. Менавіта 11 лістапада 1992 г. кампетэнтнымі прадстаўнікамі Святога Пасаду і Рэспублікі Беларусь быў падпісаны і ўступіў у сілу адпаведны міжнародны дакумент. У гэты дзень папа Ян Павел ІІ выдаў булу “Quantam tandem” аб заснаванні Апостальскай нунцыятуры ў Беларусі і яе адкрыцці.
9 лістапада 324 г. св. Сільвестр, Папа, урачыста пасвяціў базыліку ў гонар Збаўцы. Базыліка была пабудавана каля старадаўняга палаца Латеранаў, які ахвяраваў Касцёлу імператар Канстанцін Вялікі.
1 лістапада мы перажываем урачыстасць Усіх Святых. У гэты дзень Касцёл прапануе нам адарвацца ад зямлі, ад нашых штодзённых заняткаў, і зірнуць у вышыню, каб паглядзець на свет і жыццё з Божай перспектывы. Мы ўзносім позірк у вышыню, да неба, каб убачыць велізарнае мноства святых, убраных у белыя адзенні і з узнагародай у руках.
Падчас душпастырскіх візітаў, калі я служыў у Гродзенскай дыяцэзіі, часта можна было сустрэць у каталіцкіх дамах абраз Маці Божай. Сярод выяваў, якія прадстаўляюць Найсвяцейшую Панну, гэта найчасцей памяткі з Вострай Брамы, Чэнстаховы, Будслава, Тракеляў і іншых санктуарыяў. Многія з іх маюць тытулы: Маці Божай Нястомнай Дапамогі, Шкаплернай, Балеснай, Кормячай… Сярод гэтых выяваў ёсць адна, невядомага мастака, якая прадстаўляе Марыю на фоне абуджэння вясны, і якую мясцовыя вернікі называюць Маці Божай Маёвай.
У чацвёртую велікодную нядзелю, якая называецца Нядзеляй Добрага Пастыра, мы адзначалі 54-ы Сусветны дзень малітваў аб пакліканнях. У гэты дзень вернікі маліліся аб пакліканнях да святарскага, кансэкраванага і місіянерскага жыцця.
Чацвёртая велікодная нядзеля называецца Нядзеляй Добрага Пастыра. Яна распачынае тыдзень малітваў аб святарскім і законным пакліканні да служэння ў Касцёле. Найбольш маляўнічым вобразам паклікання з’яўляецца гісторыя прарока Самуэля.
Каталіцкі Касцёл прысвячае месяц май Найсвяцейшай Багародзіцы Панне Марыі. У гэтыя дні таксама існуе традыцыя правядзення т.зв. "Маёвых набажэнстваў". Могуць узнікнуць пытанні: "Чаму Панне Марыі прысвечаны менавіта месяц май?" або "Дзе і калі паўстала гэтая традыцыя?". Для гэтага давайце звернемся да вытокаў гэтай традыцыі і, больш таго, пастараемся, каб яна ўвайшла і ў нашае рэлігійнае жыццё.
Уваскрасеннем Пана з мёртвых быў здзейснены подзвіг выратавання чалавецтва, прымірэнне людзей са Стварыцелем. А гэта аснова веры, першая і самая галоўная ісціна, якая сімвалізуе перамогу жыцця над смерцю, адраджэнне і абнаўленне духоўнага свету чалавека. У гэты дзень вернікі святкуюць сваё адкупленне і магчымасць асягнення вечнага шчасця, што было здабыта коштам крыжовай смерці і змёртвыхпаўстання Збаўцы.