Праз пяцьдзясят дзён пасля Уваскрасення Езуса Хрыста – у гэтым годзе 20 мая – Касцёл адзначае ўрачыстасць Спаслання Святога Духа. Тым самым ён святкуе сваё нараджэнне, бо ў гэты дзень, як піша св. Лука ў Дзеях Апосталаў, група апосталаў была ўзброена моцай з вышыняў, а Святы Дух чыніць з адкупленых Хрыстом адзін арганізм – супольнасць.
У першую нядзелю мая ў Гродзенскай дыяцэзіі адзначаецца Дзень маці, які сёлета прыпадае 6 мая.
Распачаўся марыйны месяц май. У святынях, ля прыдарожных крыжоў і каплічак можна будзе пачуць Ларэтанскую літанію – найпрыгажэйшы гімн ушанавання Маці Божай. Вернікі збяруцца на малітве разам, каб праслаўляць цноты і прывілеі, якімі Бог надзяліў Марыю.
У першую нядзелю пасля Вялікадня адзначаецца ўстаноўленае папам Янам Паўлам ІІ свята Божай Міласэрнасці. У гэтым годзе яно прыпадае на 8 красавіка.
Ад Нядзелі Уваскрасення Пана да Нядзелі Міласэрнасці мы перажываем восем урачыстых дзён запар. Гэта значыць, што на працягу дадзенага часу нас не абавязвае ўстрыманне ад спажывання мясных страваў.
У Вялікую суботу вернікі прыбіраюцца ў святочную вопратку, бяруць з сабой падрыхтаваную для асвячэння “пасху” і ідуць у касцёл, каб блаславіць стравы на велікодны стол.
Чаму Вялікі тыдзень называецца “вялікім”?
Паняцце “вялікі” падкрэслівае значэнне гэтага тыдня для ўсяго касцёльнага года, таму што менавіта падчас яго літургічна здзяйсняюцца збаўчыя падзеі.
Як яго перажыць?
Вялікі тыдзень, што распачынаецца ў Пальмовую нядзелю, – гэта час, калі мы павінны адкрыцца на Божую любоў і міласэрнасць. Перажыванне мук, смерці і ўваскрасення Езуса – па сутнасці, яскравае ўсведамленне таго, як моцна Усемагутны нас любіць і як моцна прагне, каб мы на Яго любоў адказвалі ўзаемнасцю.
Вялікі пост – час, калі Касцёл асаблівую ўвагу звяртае на крыж і справу збаўлення, якую здзейсніў на ім Езус Хрыстус.